រាជជធានីភ្នំពេញ ៖ ស្ត្រីម្នាក់បានជិះម៉ូតូចេញពីកន្លែងលក់ដូរត្រឡប់ទៅផ្ទះវិញក៏ត្រូវបានជនសង្ស័យម្នាក់បានធ្វើសកម្មភាពឆក់យកកាបូបស្ពាយ ដែលលុយជាង១ពាន់ដុល្លារ និងទូរស័ព្ទ២គ្រឿងយកទៅដោយសុវត្ថិភាព ។ ហេតុការណ៍នេះបានកើតឡើងនៅវេលាម៉ោង៩យប់ថ្ងៃទី៦ ខែមករា ឆ្នាំ២០១៩ ទុលមុខនឹងផ្សារស្ទឹងមានជ័យថ្មី ផ្លូវ២១៧ សង្កាត់ស្ទឹងមានជ័យ២ ខណ្ឌមានជ័យ ។
ជនរងគ្រោះមិនបានអោយដឹងឈ្មោះនោះទេ ហើយសម្ភារៈដែលបាត់បង់ មានលុយជាង១ពាន់ដុល្លារ ទូរស័ព្ទចំនួន២គ្រឿង និងឯកសារទាក់ទង និងលុយកាក់មួយចំនួនថែម
ទៀត ។
តាមសម្តីស្ត្រីរងគ្រោះបានរៀបទាំងទឹកភ្នែក និងអារម្មណ៍សោកស្តាយទ្រព្យសម្បត្តិរបស់ខ្លួនថា មុនពេលកើតហេតុ រូបគាត់បានជិះម៉ូតូម៉ាក ZOOMER X ចេញពីកន្លែងលក់ដូរ នៅផ្សារស្ទឹងមានជ័យថ្មី គោលបំណងត្រឡប់ទៅនៅម្តុំផ្សារស្ទឹងមានជ័យចាស់ ដោយធ្វើដំណើរតាមផ្លូវ២១៧ ក្នុងទិសដៅពីលិចទៅកើត ហើយស្របពេលនោះដែរក៏ស្រាប់តែមានបុរសជាជនសង្ស័យម្នាក់បានជិះម៉ូតូមិនចាំម៉ាកមួយគ្រឿងបានមកធ្វើសកម្មភាពឆក់យកកាបូបស្ពាយរបស់គាត់ ដែលដាក់នៅក្រោមប្រលោះជើងខាងមុខបានសម្រេច ហើយក៏បានបន្ថែមល្បឿនម៉ូតូជិះរត់ ។
ប្រភពដដែលបានបន្តទៀតថា បន្ទាប់ពីជនសង្ស័យជិះរត់គេចខ្លួនរូបគាត់ជាជនរងគ្រោះក៏បានជិះម៉ូតូដេញតាមពីក្រោយ ព្រមទាំងស្រែកថា ចោរៗអោយគេជួយ រហូតមកដល់ក្រោមស្ពានអាកាសស្ទឹងមានជ័យ តែដេញមិនទាន់ ហើយជនសង្ស័យមិនដឹងថា ជិះគេទៅណានោះទេ ។
ក្រោយពេលកើតហេតុ ជនរងគ្រោះបានខ្ចីទូរស័ព្ទគេ ដើម្បីអោយបងប្អូនមកទទួលយកទៅផ្ទះអោយស្ងប់អារម្មណ៍សិន ទើបទៅដាក់ពាក្យបណ្តឹងជាក្រោយ ដើម្បីអោយសមត្ថកិច្ចជួយកំណត់មុខសញ្ញា ៕
ចែករំលែកព័តមាននេះ