Ronaldo ស៊ីដាច់ Messi ដោយយកពាន Globe Soccer Awards
តាមប្រភពព័ត៌មាន Times Now News បានឱ្យដឹងថា ជើងខ្លាំងរបស់ក្រុមសេះបង្កង់ Cristiano Ronaldo បានក្លាយទៅជាម្ចាស់ពាន Globe…
តាមប្រភពព័ត៌មាន Times Now News បានឱ្យដឹងថា ជើងខ្លាំងរបស់ក្រុមសេះបង្កង់ Cristiano Ronaldo បានក្លាយទៅជាម្ចាស់ពាន Globe…
តាមប្រភពព័ត៌មាន Times Now News បានឱ្យដឹងថា ជើងខ្លាំងរបស់ក្រុមសេះបង្កង់ Cristiano Ronaldo បានក្លាយទៅជាម្ចាស់ពាន Globe Soccer Awards ឆ្នាំ២០១៩ កាលពីថ្ងៃព្រហស្បត្តិ៍ ក្នុងកម្មវិធីនាទីក្រុងឌូបៃ។ វាជាពានដែល Ronaldo យកបាននៅ៣ឆ្នាំជាប់ៗគ្នា។
Ronaldo បានផ្តួល Antoine Griezmann របស់ Atletico Madrid និង Kylian Mbappe របស់ PSG ដើម្បីអាចធ្វើជាម្ចាស់ពានចុងក្រោយបាន។ នេះក៏ជាលទ្ធផលបង្ហាញឱ្យឃើញពីភាពជោគ ជ័យរបស់ Ronaldo សម្រាប់អួតដល់ Messi ផងដែរ ដែលជាគូប្រជែងអស់ច្រើនឆ្នាំមកហើយ។
ភ្នាក់ងាររបស់ Ronaldo លោក Jorge Mendes ក៏ត្រូវបានគេប្រកាសថា ជាភ្នាក់ងារល្អប្រចាំឆ្នាំផងដែរ។ Ronaldo បានសរសេរបង្ហោះលើបណ្តាញសង្គម អរគុណដល់អ្នករៀបចំកម្មវិធី ដែលបានយកចិត្តទុកដាក់។
Ronaldo សរសេរបង្ហោះលើ Instagram ជាមួយនឹងរូបថតជុំគ្រួសារ និងលោក Mendes ថា៖ «នេះគឺជាវិធីល្អក្នុងការចាប់ផ្តើមឆ្នាំថ្មី។ អរគុណសម្រាប់ការសរសើរ និងយកចិត្តទុកដាក់ ដែលធ្វើឱ្យខ្ញុំទទួលបាននៅថ្ងៃនេះ»។
គួរបញ្ជាក់ផងដែរថា ពាន Globe Soccer Awards ត្រូវបានគេចាត់ទុកជាពានមានតម្លៃជាងគេលំដាប់ទីបី បន្ទាប់ពីពាន FIFA’s The Best និង ពាន Ballon d’Or៕
ចែករំលែកព័តមាននេះ