អភិបាលខេត្ត ៖ «មិនត្រូវទុកឱ្យបញ្ហាកើតនៅក្នុងបញ្ហា…»
- កំពត
ខេត្តកំពត ៖ អភិបាលខេត្តកំពត បានក្រើនរំឭកដល់ក្រុង ស្រុកត្រូវបង្កើនការយកចិត្តទុកដាក់ តាមដាន រាយការណ៍ ដោះស្រាយ រាល់បទល្មើសទាំងអស់ ទាំងផ្នែកសន្តិសុខសណ្តាប់ធ្នាប់…
ខេត្តកំពត ៖ អភិបាលខេត្តកំពត បានក្រើនរំឭកដល់ក្រុង ស្រុកត្រូវបង្កើនការយកចិត្តទុកដាក់ តាមដាន រាយការណ៍ ដោះស្រាយ រាល់បទល្មើសទាំងអស់ ទាំងផ្នែកសន្តិសុខសណ្តាប់ធ្នាប់…
ខេត្តកំពត ៖ អភិបាលខេត្តកំពត បានក្រើនរំឭកដល់ក្រុង ស្រុកត្រូវបង្កើនការយកចិត្តទុកដាក់ តាមដាន រាយការណ៍ ដោះស្រាយ រាល់បទល្មើសទាំងអស់ ទាំងផ្នែកសន្តិសុខសណ្តាប់ធ្នាប់ និងបញ្ហាបទល្មើសដីធ្លី ការវាតទី រំលោភយកដីរដ្ឋជាដើម ហើយលោកថា មិនអនុញ្ញាតឲ្យបញ្ហាបន្តកើតមាននៅក្នុងបញ្ហាដោះស្រាយមិនចេញនោះទេ។
ថ្លែងនៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពត នៅថ្ងៃទី៤ ខែមករា ឆ្នាំ២០១៩នេះ លោក ជាវ តាយ បានលើកឡើងថាៈ លោកពិតជាមិនយល់ចំពោះការអនុវត្តភារកិច្ច តួនាទីនៅក្នុងដែនសមត្ថកិច្ចរបស់មន្ត្រីជំនាញ មន្ទីរ អង្គភាព មួយចំនួនតាមក្រុងស្រុកទាំង៨របស់ខេត្ត ពេលមានបញ្ហាម្តងៗ តែងតែរុញទម្លាក់ឲ្យរដ្ឋបាលខេត្ត ជាអ្នកជួយអន្តរាគមន៍ និងដោះស្រាយ សូម្បីបញ្ហានោះ ក្រុង ស្រុក និងមន្ត្រីជំនាញតាមមន្ទីរ អង្គភាព អាចដោះស្រាយបានក៏ដោយ។
លោកបានបន្តថា រដ្ឋបាលខេត្តរឹងមាំ ទាល់តែរដ្ឋបាលក្រុងស្រុករឹងមាំដែរ ជាក់ស្តែងដូចជាបញ្ហាដីធ្លីនៅក្នុងស្រុកឈូក មន្ត្រីជំនាញ ពាក់ព័ន្ធបានសន្យាជា មួយពលរដ្ឋថា យ៉ាងយូរ៣ខែកន្លះ អាចដោះស្រាយ រឿងចេញប័ណ្ណកម្មសិទ្ធជូនពលរដ្ឋបាន ប៉ុន្តែឥឡូវ បើយើងពិនិត្យមើលឃើញថាលើសពេលវេលាសន្យាជា
មួយប្រជាជន ហើយចេះតែថាមកពីយ៉ាងនេះមកពីយ៉ាងនោះទៀតមិនចេះចប់ មិនចេះហើយ។
លោកអភិបាលខេត្តបានស្នើឲ្យក្រុង ស្រុកទាំងអស់ មេត្តាយកចិត្តទុកដាក់ នូវអ្វីដែលល្មើស មិនថាការទន្ទ្រានយកដីរដ្ឋ ការសាងសង់លើដីចំណីព្រែក ឬដីគម្របព្រៃឈើជាដើម រីឯបញ្ហាការរៀបចំសន្តិសុខសណ្តាប់ធ្នាប់ ផ្សេងៗនៅក្នុងតាមក្រុង ស្រុកសូមបង្កើតគំនិត ដែលមានលក្ខណៈសមស្របតាមនិតិវិធីច្បាប់ ហើយចាត់វិធានការអនុវត្តតែម្តងទៅ កុំចាំរដ្ឋបាលខេត្តអន្តរាគមន៍ ឬដោះស្រាយ ព្រោះរដ្ឋបាលខេត្ត មិនអនុញ្ញាតិ ឲ្យបទល្មើសកើតនៅក្នុងបទល្មើស ក្លាយជាជំងឺមហារីក ដោះស្រាយមិនចប់ ព្យាបាលមិនជានោះទេ ។
លោកជាវ តាយ អភិបាល ក៏បានក្រើនរំលឹកនិងជំរុញបណ្ដា អាជ្ញាធរ ក្រុង ស្រុក និងមន្ទីរ អង្គភាព ជំនាញជុំវិញខេត្ត បន្ត យកចិត្តទុកដាក់សហការគ្នាឲ្យបានកាន់តែខ្លាំងក្លាថែមទៀត សំដៅបង្កើនល្បឿនក្នុងកិច្ចអភិវឌ្ឍន៍ ដើម្បីបម្រើប្រយោជន៍ និងបង្កើនជីវភាពប្រជាពលរដ្ឋអោយបានកាន់ប្រសើរឡើងថែមទៀតនៅក្នុងឆ្នាំ២០១៩នេះ៕
ចែករំលែកព័តមាននេះ