ការរស់នៅដើម្បីឱ្យបានសេចក្តីសុខសេចក្តីចម្រើនក្នុងជីវិតសមតាមបំណងប្រាថ្នានោះគឺ ការស្រឡាញ់រាប់អានអ្នកដទៃ ជាការស្រឡាញ់ដោយភក្តីភាព ស្រឡាញ់ដោយមេត្តា ស្រឡាញ់ដោយចិត្តស្មោះ ព្រោះថាការស្រឡាញ់អ្នកដទៃបែបនេះ អាចដោះស្រាយនូវឧបសគ្គជីវិតបាន ។ ការស្រឡាញ់អ្នកដទៃដោយធម៌មេត្តាគឺៈ
១-សូមឱ្យសម្លឹងមើលអ្នកដទៃថាជាមិត្តរួមកើត រួមចាស់ រួមឈឺ រួមស្លាប់ជាមួយគ្នាទាំងអស់ មិនថាអតីត អនាគត ឬបច្ចុប្បន្នឡើយ ។
២-សម្លឹងមើលផ្នែកល្អនៃសត្វលោក និងសម្លឹងមើលបំណងប្រាថ្នានៃសត្វលោក ដែលចង់បានសេចក្តីសុខដូចៗគ្នា ព្រមទាំងសម្លឹងមើលសង្ខារលោកតាមសេចក្តីពិតផង។
៣-មានសេចក្តីសន្តោស គឺមានការពេញចិត្តតាមមាន តាមបានជាភូមិឋានក្នុងជីវិត មានបានយ៉ាងណាក៏ព្រមល្មមយ៉ាងនោះ មិនប្រកាន់ស្អិត សូមឱ្យសាធុជនគិតថា មានក៏ល្អ មិនមានក៏បាន។ ពេញចិត្តចំពោះរបស់ដែលសមគួរ គឺរបស់ដែលបានមកដោយសុចរិត ចិញ្ចឹមជីវិតដោយទ្រព្យដ៏ត្រជាក់ត្រជំ ។
៤-មានការតាំងចិត្តមាំ ឃើញទោសនៃសេចក្តីខ្ជិល ឃើញគុណប្រយោជន៍នៃសេចក្តីព្យាយាម កាលបានជួបនូវរបស់ដែលមិនជាទីប្រាថ្នា ត្រូវកូនធ្វើទុកក្នុងចិត្តថា លាភ យស សុខ ទុក្ខ សរសើរ និន្ទា អត់លាភ អត់យស ជាច្បាប់ធម្មតារបស់ជីវិត បើក្តៅខ្លាំងកូនត្រូវពាក់មួក ឬបាំងឆត្រ កូនមិនត្រូវខឹងប្រទូស្តនឹងក្តៅឡើយ ។
ចែករំលែកព័តមាននេះ