ខេត្តព្រះសីហនុ ៖ កម្លាំងជំនាញផែននគរបាលព្រហ្មទណ្ឌបានធ្វើការល្បាតពួនស្ទាក់ចាប់ឃាត់ខ្លួនបានជនសង្ស័យចំនួន២នាក់ ជាប់ពាក់ព័ន្ធករណីលួចមានស្ថានទម្ងន់ទោស (ឆក់) និងជួញដូរគ្រឿងញៀន ឃាត់នៅថ្ងៃទី០២ ខែមករា ឆ្នាំ២០១៩ វេលាម៉ោង០៤និង០០នាទីទៀបភ្លឺ ស្ថិតនៅចំណុចផ្លូវ៥០២ ក្រុមទី១៤ ភូមិ៤ សង្កាត់៤ ក្រុង-ខេត្តព្រះសីហនុ ។
ជនសង្ស័យចំនួន២នាក់ទី១- ឈ្មោះ សៅ តុលា អាយុ២៨ឆ្នាំ មុខរបរមិនពិតប្រាកដ មានទីលំនៅភូមិអូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។ ( អ្នកបើកម៉ូតូ ) ២-ឈ្មោះ ឡាត ផានិត ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅពិតប្រាកដ ។
ចំណែកវត្ថុតាងចាប់យកបានមាន កាបូបស្ពាយចំនួន១ កាបូបកាន់ដៃ ពណ៌ខ្មៅចំនួន១ កាតធនាគារចំនួន២០សន្លឹក ជញ្ជីងសម្រាប់ថ្លឹងគ្រឿងញៀន១គ្រឿង និងគ្រឿងញៀនចំនួន១៥ កញ្ចប់ (ខ្នាតតូច១០កញ្ចប់ , ខ្នាតកណ្តាល៤កញ្ចប់ និង១កញ្ចប់ខ្នាតធំ ) ទូរស័ព្ទម៉ាកអាយហ្វូន ៦ Plus ១គ្រឿង កាបិតដែកកែច្នៃដងមានច្រវ៉ាក់ចំនួន១ ម៉ូតូម៉ាកសេ១២៥ សេរីឆ្នាំ២០១៧ ពណ៌ខ្មៅ១គ្រឿង ដែលពាក់ស្លាកលេខ ព្រះសីហនុ 1G-2457 ។
ដោយករណីនេះបានប្រគល់ទៅឲ្យការិយាល័យប្រឆាំងគ្រឿងញៀនបន្តនីតិវិធីទៅសាលាដំបូងខេត្ត ៕
ចែករំលែកព័តមាននេះ