ខេត្តរតនគិរី ៖ ចោរលួចកៅស៊ូរបស់ក្រុមហ៊ុនដោយចោររត់បាត់ចាប់បានតែរថយន្តហេតុការណ៍នេះបានកើតឡើងនៅកាលពីវេលាម៉ោង៨និង៣០នាទីយប់ ថ្ងៃទី០២ ខែមករា ឆ្នាំ២០១៩ ស្ថិតនៅក្នុងក្រុមហ៊ុនដីសម្បទានម៉ាងយ៉ាងខេ ស្ថិតនៅភូមិកាចូន ឃុំកាចូន ស្រុកវ៉ើនសៃ ។
សមត្ថកិច្ចឃុំ និងស្រុកបានអោយសារព័ត៌មានដឹងថា ដោយមានសេចក្តីរាយការណ៍ពីបុគ្គលិកក្រុមហ៊ុនខាងលើបានប្រាប់ប៉ូលិសថា មានចោរលួចកៅស៊ូដាក់នៅក្នុងរថយន្តម៉ាកកាម៉ារីគូថហើម ស៊េរីឆ្នាំ១៩៩៣ ពណ៌ស ពាក់ផ្លាកលេខ ភ្នំពេញ 2D-9736 ពេលឃើញសកម្មភាពបែបនេះកម្មករកៅស៊ូមានគ្នា៣នាក់បានជិះម៉ូតូមួយគ្រឿងដេញតាមរថយន្តនោះពីក្រោយដល់ផ្លូវចេញទៅឃុំកាឡៃ ស្រុកអូរជុំ ភ្លាមនោះកម្មករបានទាក់ទងទៅនាយប៉ុស្តិ៍រដ្ឋបាលឃុំកឡៃអោយស្ទាក់ឃាត់រថយន្តដឹកជ័រកៅស៊ូនោះ ។
លុះតាមដល់ចំការចន្ទី១កន្លែងក៏បានឃើញរថយន្តចតទុកចោលរួមនឹងវត្ថុតាងកៅស៊ូមិនទានកែច្នៃនៅក្នុងរថយន្តនៅទីនោះ រីឯជនសង្ស័យបានរត់គេចខ្លួនបាត់ពេលនោះកម្លាំងប៉ុស្តិ៍រដ្ឋបាលឃុំកាឡៃបានយករថយន្តនោះទៅរក្សាទុកនៅប៉ុស្តិ៍រដ្ឋបាល ។
លុះដល់វេលាម៉ោង៩និង០០នាទីព្រឹកថ្ងៃទី០៣ ខែមករា ឆ្នាំ២០១៩ កម្លាំងជំនាញអធិការដ្ឋានស្រុកវើនសៃបានទៅទទួលយករថយន្ត១គ្រឿង និងជ័រកៅស៊ូ១១ការ៉ុង ស្មើនឹង៧៦៣គីឡូក្រាមពីប៉ុស្តិ៍រដ្ឋបាលឃុំកាឡៃ ដើម្បីយកមករក្សាទុកបណ្តោះអាសន្ននៅអធិការដ្ឋាននគរបាលស្រុកវើនសៃ ។ បច្ចុប្បន្នជនសង្ស័យគេចខ្លួនបាត់ហើយមិនទាន់ចាប់បានទេ សមត្ថកិច្ចកំពុងធ្វើការស្រាវជ្រាវតាមចាប់មកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ