រាជធានីភ្នំពេញ ៖ ទីបំផុតរដ្ឋសភាបានសម្រេចអនុម័តសេចក្តីស្នើវិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានីក្រុមប្រឹក្សាខេត្តក្រុមប្រឹក្សាក្រុង ក្រុមប្រឹក្សាស្រុក ក្រុម ប្រឹក្សាខណ្ឌ ដែលខ្លឹមសារបានកាត់បន្ថយការឃោសនាបោះឆ្នោត ការហែក្បួន ការកំណត់ភ្នាក់ងារគណបក្សនយោបាយ…។ ការអនុម័តវិសោធនកម្មច្បាប់នេះដែរបានស្នើដោយក្រុមអ្នកតំណាងរាស្ត្រប្រមាណជាង៩០…
រាជធានីភ្នំពេញ ៖ ទីបំផុតរដ្ឋសភាបានសម្រេចអនុម័តសេចក្តីស្នើវិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានីក្រុមប្រឹក្សាខេត្តក្រុមប្រឹក្សាក្រុង ក្រុមប្រឹក្សាស្រុក ក្រុម ប្រឹក្សាខណ្ឌ ដែលខ្លឹមសារបានកាត់បន្ថយការឃោសនាបោះឆ្នោត ការហែក្បួន ការកំណត់ភ្នាក់ងារគណបក្សនយោបាយ…។
ការអនុម័តវិសោធនកម្មច្បាប់នេះដែរបានស្នើដោយក្រុមអ្នកតំណាងរាស្ត្រប្រមាណជាង៩០ រូប នេះធ្វើឡើងនៅចុងបញ្ចប់នៃសម័យប្រជុំពេញអង្គរដ្ឋសភា លើកទី១ នីតិកាលទី៦ និងដើមឆ្នាំថ្មី ឆ្នាំ២០១៩ ធ្វើឡើងនាព្រឹកថ្ងៃទី៣ ខែមករា ឆ្នាំ២០១៩ ក្រោមអធិបតីភាពសម្តេច ហេង សំរិន ប្រធានរដ្ឋសភា ។
លោក ជាម យៀប តំណាងក្រុមតំណាងរាស្ត្រហត្ថលេខីលើកឡើងថា ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌត្រូវមាន៦ជំពូក ៩២មាត្រា ត្រូវបានប្រកាសឲ្យប្រើថ្ងៃទី២៤ ខែឧសភា ឆ្នាំ២០០៨ ហើយច្បាប់នេះត្រូវបានធ្វើវិសោធនកម្មមួយលើក នៅថ្ងៃទី២៥ ខែតុលា ឆ្នាំ២០១៧ ពាក់ព័ន្ធនឹងការបែងចែកអាសនក្រុមប្រឹក្សា ដែលនៅទំនេរក្នុងអាណត្តិក្រុមប្រឹក្សា ។
លោកបានបន្តថា ខ្លឹមសារនៃជំពូក និងបទបញ្ញត្តនៃមាត្រាមួយចំនួននៃច្បាប់នេះបាន យោងទៅរកការអនុវត្តច្បាប់ស្តីពីការបោះឆ្នោតជ្រើសតាំងតំណាងរាស្ត្រឆ្នាំ១៩៩៧ ដែលក្រោយមកត្រូវបានរៀបចំជាច្បាប់ថ្មីចំនួន២ គឺច្បាប់ស្តីពីការបោះឆ្នោតជ្រើសរើសតាំងតំណាងរាស្ត្រ និងច្បាប់ស្តីពីការរៀបចំ និងការប្រព្រឹត្តិទៅនៃគណៈកម្មាធិការជាតិរៀបចំការបោះឆ្នោត ដែលបានប្រកាសឲ្យប្រើនៅឆ្នាំ២០១៥ ស្របតាមស្មារតីជំពូកទី១៥ ថ្មី (ពីរ) នៃរដ្ឋធម្មនុញ្ញនៃព្រះរាជាណាចក្រកម្ពុជា ។
ជាមួយគ្នានោះដែរ លោកជាម យៀប ក៏បានលើកហេតុផលនៃសំណើរវិសោធនកម្មច្បាប់នេះយ៉ាងដូច្នេះថា ដោយសារតែការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ និងការបោះឆ្នោតជ្រើសតាំងសមាជិកព្រឹទ្ធសភាជាការបោះឆ្នោត អសកលដូចគ្នា ហេតុ នេះគោលការណ៍បែបបទ និងនីតិវិធីមួយចំនួននៅក្នុងច្បាប់បោះឆ្នោតទាំងពីរ គួរតែមានលក្ខណៈស្របគ្នា ។
លោកជាម យៀប បានបញ្ជាក់ «យើងខ្ញុំជាតំណាងរាស្ត្រហត្ថលេខីសុំលើកសំណើរជូនរដ្ឋសភា ដើម្បីពិនិត្យ និងអនុម័តលើសេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានីក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌដែលបានដាក់ជូនសម័យប្រជុំរដ្ឋសភា រួមមានការលុបចោលនូវ២ជំពូក កែសម្រួលលេខជំពូក កែសម្រួលមាត្រាយោង និងបន្ថែមនូវខ្លឹមសារថ្មីក្នុងមាត្រាមួយចំនួន» ។
ជំពូកទី៤ត្រូវបានកែប្រែមកជាជំពូកទី៣ថ្មី និងជំពូកទី៦ត្រូវបានកែប្រែមកជាជំពូកទី៤ថ្មី ។ លោកជាម យៀប ក៏បានឲ្យដឹងថា មាត្រា១១ មាត្រា៨៥ មាត្រា៨៦ មាត្រា៨៧ និងមា ត្រា៨៨ ត្រូវបានលុបចោល ដោយសារបទបញ្ញត្តនៃមាត្រាទាំងនេះ ត្រូវបានចែងនៅក្នុងច្បាប់ ស្តីពីការរៀបចំ និងការប្រព្រឹត្តិទៅនៃគណៈកម្មាធិការជាតិរៀបចំការបោះឆ្នោត និងយោងទៅលើច្បាប់ ។ ជាមួយគ្នានោះដែរលោកជាម យៀបក៏បានឲ្យដឹងថា មាត្រា១០ មាត្រា១២ មាត្រា១៣ មាត្រា១៣(ស្ទួន) មាត្រា១៧មាត្រា មាត្រា១៩ មាត្រា៣០ មាត្រា៤៤ មាត្រា៤៦ មាត្រា៥៥ មាត្រា៥៧ មាត្រា៥៨ និងមាត្រាទាំងឡាយចាប់ពីជំពូកទី៤ ដល់ជំពូកទី៦ ត្រូវបានកែប្រែដែល ក្នុងនោះមានការកែសម្រួល និងបន្ថែមខ្លឹមសារថ្មីរួមមានមាត្រា១៧ថ្មី កំណត់បន្ថែមទៀតនូវ បុគ្គលគ្មានសិទ្ធិឈរឈ្មោះជាបេក្ខជនបោះឆ្នោតជ្រើសរើសក្រុមប្រឹក្សា ។
មាត្រា២៩ថ្មីកំណត់អំពីការបន្ថយរយៈពេលផ្តល់សុពលភាពបញ្ជីបោះឆ្នោតពី៣៥ថ្ងៃមក១៥ថ្ងៃមុនថ្ងៃបោះឆ្នោត ។ មាត្រា៣០ថ្មីកំណត់អំពីការបន្ថយរយៈពេលបិទផ្សាយបញ្ជីបោះឆ្នោតពី៣៥មក១៥ថ្ងៃវិញ មាត្រា៤៥ ថ្មី កំណត់អំពីការបន្ថយរយៈពេលនៃការឃោសនាបោះឆ្នោតពី១៥ ថ្ងៃមក៨ថ្ងៃវិញ ។ មាត្រា៤៦ថ្មីកំណត់ពីកការហែក្បួនទ្រង់ទ្រាយធំត្រូវធ្វើយ៉ាងច្រើន២ ដង ក្នុងអំឡុងពេលឃោសនាបោះឆ្នោត ។ មាត្រា៥៥ថ្មី កំណត់អំពីភ្នាក់ងារគណបក្សនយោបាយ សិទ្ធិ តួនាទី និងលក្ខ ខណ្ឌផ្សេងៗ៕
ចែករំលែកព័តមាននេះ