តាមប្រភពព័ត៌មាន FC Barcelona បានឱ្យដឹងថា កីឡាករជើងខ្លាំង Lionel Messi គឺជាកីឡាកររកគ្រាប់បាល់បានច្រើនជាងគេ ដែលមានគ្រាប់បាល់47គ្រាប់ ក្នុងការប្រកួត50ដង កំឡុងពេល12ខែ(2018) ។
អ្នកដែលនៅក្រោមបន្ទាប់ពីនោះមានដូចជា Cristiano Ronaldo (43គ្រាប់), Robert Lewandowski (42), Mo Salah (37) និង Harry Kane (34) ។
នេះគឺជាលើកទីបួនហើយ ដែល Messi បានក្លាយជាកីឡាកររកគ្រាប់បាល់បានច្រើនជាងគេនៅអឺរ៉ុបប្រចាំឆ្នាំ2018 ។ ពីមុនៗ Messi ធ្លាប់ជាប់ចំណាត់ថ្នាក់បែបនេះ នៅឆ្នាំ2010 (58គ្រាប់), 2012 (91គ្រាប់) និង2016 (59គ្រាប់) ។
Luis Suarez បានជាប់នៅចំណាត់ថ្នាក់ទី7 ជាមួយនឹង32គ្រាប់ ។ ដូចនេះក្លិបអ្នកមានបុណ្យ Barcelona ជាក្លិបតែមួយគត់ ដែលមានកីឡាករ2នាក់ជាប់នៅលើតារាង Top10 កីឡាករស៊ុតបានច្រើនគ្រាប់ជាងគេនៅឆ្នាំ2018 ។
គួរបញ្ជាក់ផងដែរថា ចំនួន47គ្រាប់របស់ Messi ក្នុងឆ្នាំនេះគឺបានមកពីការប្រកួត LaLiga (34គ្រាប់) និង Champions League (4គ្រាប់) ៕
ចែករំលែកព័តមាននេះ