ទីភ្នាក់ងារព័ត៌មានបរទេសកាលពីពេលថ្មីៗកន្លងមកផ្សាយថាលោក អ៊ូស្វៀ លីន ក្លាយជាបុរសផ្ដល់ចំណាប់អារម្មណ៍យ៉ាងខ្លាំងក្នុងប្រទេសចិន ព្រោះគេជាបុរសម្នាក់មានមុខដូចលោកជែក ម៉ា (Jack Ma) មហាសេដ្ឋីដ៏ល្បីនៅលើពិភពលោក ក្រោយពីគេបង្ហាញកាយវិការក្នុងការលក់ដូរយកលំនាំតាមលោក ជែក ម៉ា បានច្រើនយ៉ាងដូចជាការនិយាយស្ដី ឬមានអាការកំប្លុកកំប្លែង និងមានមនុស្សចូលមើលជាច្រើនម៉ឺននាក់ ។
លោក អ៊ូស្វៀ លីន ជាម្ចាស់ហាងមួយក្នុងខេត្តជឺជាំង ជាខេត្តតែមួយដូចលោក ជែក ម៉ា លើសពីនេះគេក៏លក់ដាច់ដោយមានមនុស្សចូលមកហាងរបស់គេជាច្រើននាក់ ។
លោកបានបញ្ជាក់ប្រាប់ទីភ្នាក់ងារនៅក្នុងស្រុកថាការមានឈ្មោះបោះសម្លេងនៅក្នុងអុីនធឺណេត បានធ្វើឲ្យហាងរបស់គេលក់ដាច់ និងមានក្ដីសង្ឃឹមយ៉ាងមុតមាំថា ថ្ងៃណាមួយគេនឹងបានជួបមហាសេដ្ឋី ជែក ម៉ា ហើយចង់សួរគាត់ថា តើហាងរបស់គេគួរបើកលក់ធម្មតា ឬប្រតិបត្តិបែបណាទើបល្អ ? ខណៈពេលហាងទំនិញតាមអនឡាញកំពុងលក់ដាច់ក្នុងពេលបច្ចុប្បន្ន ៕
ចែករំលែកព័តមាននេះ