AFP ផ្សាយកាលពីពេលថ្មីៗកន្លងមកថា ប៉ូលិសនៅក្រុងមុមបៃ ប្រទេសឥណ្ឌា បានចាប់ខ្លួនស្ត្រីអាយុ៤៧ឆ្នាំម្នាក់ រួមទាំងបុរសរួមគំនិត២នាក់ ពីបទកាត់ប្រដាប់ភេទយុវជនអាយុ២៧ឆ្នាំម្នាក់ ។
សមត្ថកិច្ចផ្នែកស៊ើបអង្កេតបានបញ្ជាក់ថា ស្ត្រីបង្កហេតុបានសារភាពថា ពិតជាអ្នកដើមហេតុ និងបានសុំឲ្យបុរស២នាក់នៅក្បែរតំបន់នោះជួយ ក្រោយពីធុញថប់ដែលបុរសនោះចែចង់ខ្លួន ទោះបីជានាងមានប្ដី និងកូនដល់ទៅ២នាក់ក៏ដោយ។ ហើយបុរសរូបនេះព្យាយាមសុំរួមរ័កជាមួយនាង រួមទាំងទៅប្រាប់ប្ដីរបស់នាងថា បានលង់ស្នេហ៍លើនាង ធ្វើឲ្យនាង និងប្ដីទាស់គ្នាទៀតផង ។
ប៉ូលិសបានប្រទះឃើញតឹកតាងជាកាំបិត និងកំណាត់លិង្គរបស់បុរសរងគ្រោះ ។ ទោះជាយ៉ាងណាក្តីគ្រូពេទ្យអាចតលិង្គដែលដាច់នោះវិញបាន ។
គួររំលឹកថា ប្រទេសឥណ្ឌាឧក្រិដ្ឋកម្មទាក់ទិនលើរឿងផ្លូវភេទ រឿងក្ដីចាប់រំលោភបានកើតឡើងមធ្យមក្នុងមួយថ្ងៃប្រហែល១០០ករណី ៕
ចែករំលែកព័តមាននេះ