លោក គង់ បូរ៉ា ប្រកាសមិនបានក្បត់បក្សទេតែក្បត់លោក សម រង្ស៊ីតែប៉ុណ្ណោះ
- ភ្នំពេញ
រាជធានីភ្នំពេញ ៖ លោក គង់ បូរ៉ា អតីតអ្នកតំណាងរាស្ត្រសម្តែងប្រតិកម្មឆ្លើយតបលោក សម រង្ស៊ី ខ្លាំងៗថា មិនបានក្បត់គណបក្សនោះទេ…
រាជធានីភ្នំពេញ ៖ លោក គង់ បូរ៉ា អតីតអ្នកតំណាងរាស្ត្រសម្តែងប្រតិកម្មឆ្លើយតបលោក សម រង្ស៊ី ខ្លាំងៗថា មិនបានក្បត់គណបក្សនោះទេ…
រាជធានីភ្នំពេញ ៖ លោក គង់ បូរ៉ា អតីតអ្នកតំណាងរាស្ត្រសម្តែងប្រតិកម្មឆ្លើយតបលោក សម រង្ស៊ី ខ្លាំងៗថា មិនបានក្បត់គណបក្សនោះទេ គឺក្បត់លោក សម រង្ស៊ីតែប៉ុណ្ណោះ ។
ការឆ្លើយតបនេះ បន្ទាប់ពីលោក សម រង្ស៊ី បានវាយប្រហារលោក និងឱពុកខ្លួន (គង់ គាំ) ថាមនុស្សក្បត់គណបក្សសង្គ្រោះជាតិ ក្នុងចំណោមមនុស្ស១១៨ ដែលត្រូវបានតុលាការកំពូលហាមឃាត់ធ្វើនយោបាយ ។ យ៉ាងណាក្តីលោក គង់ បូរ៉ា បានបដិសេធការចោទប្រកាន់ថា ក្បត់អតីតបក្សរបស់លោកដោយអះអាងថា លោកមិនបានក្បត់ទេ តែក្បត់លោក សម រង្ស៊ី តែប៉ុណ្ណោះ ។
លោកគង់ បូរ៉ា បានចោទជាសំណួរត្រឡប់ទៅកាន់លោក សម រង្ស៊ី វិញយ៉ាងដូច្នេះថា«ម៉េចក៏ត្រូវក្បត់ បើគណបក្សសង្គ្រោះជាតិត្រូវរលាយហើយ ? បើក្បត់ប្រធានស្តីទីប្រហាក់ប្រហែលត្រឹមត្រូវជាង ព្រោះខ្ញុំមិនបានគាំទ្រមែន» ។ ប្រតិកម្មរបស់អតីតថ្នាក់ដឹកនាំនៃអតីតគណបក្សសង្គ្រោះជាតិរូបដែលតែងតាំងគាំទ្រនយោបាយលោក សម រង្ស៊ី នេះបានធ្វើឡើងបន្ទាប់ពីលោក សម រង្ស៉ី បានថ្លែងសារពីប្រទេសបារាំងក្នុងចំណោមមន្ត្រីគណបក្សសង្គ្រោះជាតិ១១៨នាក់ មានមនុស្ស២នាក់ប៉ុណ្ណោះដែលក្បត់បក្ស ។
ការវាយប្រហារនេះបានធ្វើឡើងបន្ទាប់ពីលោក គង់ គាំ និងកូនប្រុសរបស់លោក គឺលោក គង់ បូរ៉ា បានប្រកាសជាចំហរថា ពួកលោកនឹងស្នើសុំទទួលសិទ្ធិធ្វើនយោបាយឡើងវិញ គ្រាដែលលោក សម រង្ស៉ី បានព្រមានថា ជនណាដែលស្នើសុំសិទ្ធិធ្វើនយោបាយឡើងវិញនោះ គឺជាជនក្បត់អតីតបក្សសង្គ្រោះជាតិ ។
លោកសម រង្ស៊ី ត្រូវបានសារព័ត៌មានក្នុងស្រុកស្រង់សំដីផ្សាយអះអាងថា ពេលនេះអ្នកនៅជួរគណបក្សសង្គ្រោះជាតិមួយក្តាប់តូច ដែលមិនបានយល់ពីសភាពការណ៍ ហើយលេងល្បែងសម្តេចហ៊ុន សែន ដោយមិនបានដឹងខ្លួនក៏ទទួលបរាជ័យដែរ ពីព្រោះមិនអាចកកូរកកាយគណបក្សសង្គ្រោះជាតិពីខាងក្នុងបានដោយសារតែរកអ្នកគាំទ្រនៅមូលដ្ឋានអត់បានធ្វើឲ្យសម្តេចតេជោ ហ៊ុន សែន ខកចិត្តម្តងទៀត ។ ត្រង់ចំណុចនេះលោក សម រង្ស៊ី បានទទួលស្គាល់ថាមានមនុស្សរបស់គណបក្សកាន់អំណាច កំពុងស្ថិតនៅក្នុងជួរមន្ត្រីគណបក្សសង្គ្រោះជាតិ ។
តែយ៉ាងណាក្តីអតីតមេបក្សប្រឆាំងដែលកំពុងរត់គេចពីសំណាញ់ច្បាប់នេះ បានអះអាងថា ក្នុងចំណោមមន្ត្រីគណបក្សសង្គ្រោះជាតិ១១៨នាក់ មានមនុស្ស២នាក់ ប៉ុណ្ណោះតែក្បត់បក្ស ។ ការអះអាងរបស់លោក សម រង្ស៊ី មានបំណងវាយប្រហារទៅលើលោក គង់គាំ និងលោក គង់ បូរ៉ា ដែលមានបំណងស្នើសុំសិទ្ធិធ្វើនយោបាយឡើងវិញ ។ លោក សម រង្ស៊ី ក៏ហៅឱពុកកូន ជាមនុស្សថោក ទាប ល្ងង់មើលខ្លី ដែលចាញ់បោក និងខ្លួនឲ្យសម្តេចតេជោ ហ៊ុនសែន ។
សូមជម្រាបថា លោក គង់ គាំ អតីតឧត្តមទីប្រឹក្សាគណបក្សសង្គ្រោះជាតិដែលមនុស្សជំនិត លោក សម រង្ស៊ី កាលពីពេលថ្មីៗកន្លងមកនេះបានប្រកាសស្វាគមន៍ និងស្នើឲ្យលោក សម រង្ស៊ី វិលចូលស្រុកវិញ ដើម្បីប្រកួតប្រជែងលើកសមរភូមិនយោបាយជាមួយគ្នា គណបក្សផ្សេងគ្នា ។ លោកក៏បានឌឺទៅកាន់លោក សម រង្ស៊ី ថាកុំបាននិយាយតែមាត់ត្រូវធ្វើតាមសំដី ។
លោកថា សមាសភាព (អង់តែន CNRP) លិចធ្លោនៅរាជធានី ខេត្ត ក្រុង ស្រុក ខណ្ឌ ឃុំ សង្កាត់ បាន និងកំពុងរង់ចាំការចូលស្រុករបស់«ប្រធានស្តីទី Every where » រួចហើយ សូមអ្នកក្លាហានប្រវត្តិសាស្ត្រកុំក្រលាស់សម្តី ៕
ចែករំលែកព័តមាននេះ