ខេត្តបាត់ដំបង ៖ ពង្រឹងទប់ស្កាត់រាល់បទល្មើសបន្ថែមទៀត នៅតាមខ្សែបន្ទាត់ព្រំដែន និងត្រូវចងចាំអនុវត្តន៍អភិក្រមទាំង៥ ក្នុងអាណត្តិទី៦នេះ ឲ្យសាកសមជាទាហានដែលមានគុណភាព ។
នេះជាប្រសាសន៍លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥ មេបញ្ជាការរងតំបន់ទី១ តំណាងលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានដឹកនាំជាគណៈអធិបតីក្នុងពិធីទស្សនកិច្ចសិក្សាស្តីពីការងារកសាងពង្រឹងអង្គភាពរឹងមាំ លើគ្រប់វិស័យនៅកងអនុសេនាធំគាំទ្រ ចំណុះឲ្យកងការពារព្រំដែនលេខ៥០៣ ស្ថិតនៅភូមិ-ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កាលពីព្រឹកថ្ងៃទី៣១ ខែធ្នូ ឆ្នាំ២០១៨ ។
ដោយមានការចូលរួមពីលោកឧត្តមសេនីយ៍ត្រី ឃួន ជឿន មេបញ្ជាការកងការពាព្រំដែនលេខ៥០៣ ប៉ូលិសការពារព្រំដែនលេខ៩១១ ផ្នែកសឹករង អធិការអាវុធហត្ថ ស្រុកអូរជ្រៅ នាយទាហាន ពលទាហាន និងវរសេនាតូចតាមព្រំដែនសរុបរួមចំនួន១៧១នាក់បានចូលរួម ។ បន្ទាប់ពីប្រតិភូអញ្ជើញកាត់ខ្សែបូរសម្ភោធដាក់ឲ្យប្រើប្រាស់ក្លោងទ្វាររបស់អង្គភាព ក្រោមការរៀបចំឧបត្ថម្ភដោយលោកឧត្តមសេនីយ៍ត្រីឃួន ជឿន និងបន្តចុះត្រួតពិនិត្យជាក់ស្តែង ។
តាមបណ្តាគោលដៅនានាក្នុងអង្គភាព កងអនុសេនាធំគាំទ្រ រួចមកគណៈអធិបតី និងប្រតិភូទាំងអស់ទទួលបានរបាយការណ៍ពីលោកមេបញ្ជាការរងអនុសេនាធំគាំទ្រ បានបញ្ជាក់អំពីលក្ខណៈភូមិសាស្ត្រឈរជើងតាមខ្សែបន្ទាត់ព្រំដែនជាមួយភាគីថៃ បានរួមសហការជាមួយនគរបាលការពារព្រំដែនលេខ៩១១ ដោយរួមសហការគ្នា រក្សាបាននូវសុខសន្តិភាពជាមួយប្រទេសជិតខាង ធានាសន្តិសុខជូនប្រជាពលរដ្ឋមិនឲ្យមានជួបបញ្ហាអ្វីឡើយ ៕
ចែករំលែកព័តមាននេះ