ទាំង២ករណីនេះពិតជាមិនធម្មតា …សុទ្ធតែឈាម
- រតនគិរី
ខេត្តរតនគីរី ៖ តាមសេចក្តីរាយការណ៍បឋមបានឲ្យដឹងថា នៅថ្ងៃទី៣១ ខែធ្នូ ឆ្នាំ២០១៨ កើតបទល្មើសព្រហ្មទណ្ឌចំនួន០២ករណី ដោយទី១- ករណីប៉ុនប៉ងមនុស្សឃាត (ប្រើប្រាស់អាវុធកែច្នៃ)…
ខេត្តរតនគីរី ៖ តាមសេចក្តីរាយការណ៍បឋមបានឲ្យដឹងថា នៅថ្ងៃទី៣១ ខែធ្នូ ឆ្នាំ២០១៨ កើតបទល្មើសព្រហ្មទណ្ឌចំនួន០២ករណី ដោយទី១- ករណីប៉ុនប៉ងមនុស្សឃាត (ប្រើប្រាស់អាវុធកែច្នៃ)…
ខេត្តរតនគីរី ៖ តាមសេចក្តីរាយការណ៍បឋមបានឲ្យដឹងថា នៅថ្ងៃទី៣១ ខែធ្នូ ឆ្នាំ២០១៨ កើតបទល្មើសព្រហ្មទណ្ឌចំនួន០២ករណី ដោយទី១- ករណីប៉ុនប៉ងមនុស្សឃាត (ប្រើប្រាស់អាវុធកែច្នៃ) នៅវេលាម៉ោង២១និង០៩នាទី នៅចំណុចខាងត្បូងបឹងកន្សែង ស្ថិតភូមិទេសអន្លុង សង្កាត់បឹងកន្សែង ក្រុងបានលុង ។
ជរងគ្រោះឈ្មោះ នឿន វីវ៉ា ភេទប្រុស អាយុ១៨ឆ្នាំ ជនជាតិគ្រឹង រស់នៅភូមិតាអងប៉ុក ឃុំតាអង ស្រុកកូនមុំ ខេត្តរតនគិរី ត្រូវបានជនមិនស្គាល់អត្តសញ្ញាណជិះម៉ូតូមួយគ្រឿងមិនស្គាល់ម៉ាក បានបាញ់ទៅលើជនរងគ្រោះមួយគ្រាប់ត្រូវភ្លៅខាងស្តាំ ក្នុងខណៈពេលដែលជនរងគ្រោះឈប់ម៉ូតូនៅក្បែរសួនខាងត្បូងបឹងកន្សែង ។
ក្រោយកើតហេតុយើងបានបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែកខេត្ត បច្ចុប្បន្នកម្លាំងការិយាល័យជំនាញខេត្តសហការជាមួយកម្លាំងអធិការក្រុងបានលុងធ្វើការស្រាវជ្រាវតាមនីតិវិធី ។
ដោយករណីទី២- ហិង្សាដោយចេតនា (កាប់នឹងកាំបិត) នៅវេលាម៉ោង ២០និង៤៥នាទី មានករណីហិង្សាដោយចេតនា នៅចំណុចផ្ទះជនរងគ្រោះ ស្ថិតក្នុងភូមិយឺន ឃុំកក់ ស្រុកបរកែវ ។
ជនរងគ្រោះមានពីរនាក់ ទី១-ឈ្មោះ សៀង ម៉ៅ ភេទប្រុស អាយុ៥០ឆ្នាំ ជនជាតិខ្មែរ ទី២-ឈ្មោះ សៀង ម៉េងស្រ៊ន ភេទប្រុស អាយុ៣៨ឆ្នាំ ជនជាតិខ្មែរ អ្នកទាំងពីររស់នៅភូមិឃុំកើតហេតុខាងលើត្រូវបានជនល្មើសឈ្មោះ នៅ ដាលី ភេទប្រុស អាយុ២៩ឆ្នាំ ជនជាតិខ្មែរ មានទីលំនៅជាមួយជនរងគ្រោះបានឈ្លោះប្រកែកគ្នាក្នុងពេលផឹកស៊ី ហើយជនសង្ស័យបានកាប់ទៅលើជនរងគ្រោះទាំងពីរ បណ្ដាលអោយរងរបួសធ្ងន់បញ្ជូនទៅកាន់មន្ទីរពេទ្យបង្អែកស្រុក ។ បច្ចុប្បន្នកម្លាំងអធិការស្រុកបរកែវបានឃាត់ជនសង្ស័យ ដើម្បីបំពេញបែបបទតាមនីតិវិធី។
ចែករំលែកព័តមាននេះ