ខេត្តប៉ៃលិន ៖ បុរសស៊ីឈ្នួលជីកកកាយដីឱ្យគេម្នាក់ និងរថយន្តដឹកគ្រឿងចក្រ១គ្រឿង ព្រមទាំងគ្រឿងចក្រត្រូវបានលោក ថុល គឹមហ៊ឹង ព្រះរាជអាជ្ញារងអមសាលាដំបូងខេត្តប៉ៃលិន ដឹកនាំកម្លាំងសមត្ថកិច្ចចម្រុះ ដែលក្នុងនោះមានមន្ត្រីយោធា…
ខេត្តប៉ៃលិន ៖ បុរសស៊ីឈ្នួលជីកកកាយដីឱ្យគេម្នាក់ និងរថយន្តដឹកគ្រឿងចក្រ១គ្រឿង ព្រមទាំងគ្រឿងចក្រត្រូវបានលោក ថុល គឹមហ៊ឹង ព្រះរាជអាជ្ញារងអមសាលាដំបូងខេត្តប៉ៃលិន ដឹកនាំកម្លាំងសមត្ថកិច្ចចម្រុះ ដែលក្នុងនោះមានមន្ត្រីយោធា មន្ត្រីបរិស្ថានខេត្ត និងមន្ត្រីរដ្ឋបាលព្រៃឈើជាច្រើននាក់ ចុះទៅឃាត់កាលពីម៉ោង៧និង៣០នាទី ព្រឹកថ្ងៃទី០១ ខែមករា ឆ្នាំ២០១៩ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានបានឱ្យដឹងថា មានប្រជាពលរដ្ឋម្នាក់បានជួលគ្រឿងចក្រខាងលើ ឱ្យទៅជីកកកាយដីជើងភ្នំ ដែលជាដីកម្មសិទ្ធិរបស់ខ្លួនជាយូរមកហើយ ដើម្បីរៀបចំសាងសង់ផ្ទះស្នាក់នៅ និងផ្ទះជួលជាដើម ស្រាប់តែខណៈកំពុងធ្វើការឈូសសុខៗ ឃើញមានកម្លាំងសមត្ថកិច្ចចម្រុះដឹកនាំដោយលោក ថុល គឹមហឹង ព្រះរាជអាជ្ញារងអមសាលាដំបូងខេត្តប៉ៃលិន លោក សំ សារ៉េត អភិបាលស្រុកសាលាក្រៅ លោក គឹម សុខា ប្រធានមន្ទីរបរិស្ថានខេត្ត ដឹកនាំកម្លាំងសមត្ថកិច្ច ចុះទៅចាប់ឃាត់គ្រឿងចក្រមិនឱ្យបន្តសកម្មភាព រួចបញ្ជូនទៅរក្សាទុកនៅមន្ទីរបរិស្ថានខេត្តប៉ៃលិន ។
ប្រភពបន្តទៀតថា ពួកគាត់ពិតជាមានការងឿងឆ្ងល់ និងអន់ចិត្តយ៉ាងខ្លាំង ខណៈឃើញគ្រឿងដែលខ្លួនបានហៅឱ្យទៅគ្រាន់តែពង្រាបដីក្បែរជើងភ្នំជាដីកម្មសិទ្ធិរបស់ខ្លួន ត្រូវបានគេហាមឃាត់ និងចាប់គ្រឿងចក្រទៅកន្លែងបរិស្ថាន។
រីឯគ្រឿងចក្រជាច្រើនគ្រឿងកំពុងតែធ្វើសកម្មភាពជីកកកាយដី និងកាប់ព្រៃឈើនៅលើភ្នំយ៉ាងគគ្រឹកគគ្រេង បែរជាអត់មានអ្នកណាហាមឃាត់នោះឡើយ ពោលគឺមិនដឹងជានិយាយយ៉ាងម៉េចសមនោះទេ ។
ចែករំលែកព័តមាននេះ