ប្រទេសឥណ្ឌូណេស៊ី ៖ បើតាមអ្នកទទួលខុសត្រូវមូលដ្ឋានម្នាក់បានរៀបរាប់ឱ្យដឹងថា ពួកអ្នកជួយសង្គ្រោះនាថ្ងៃទី១ ខែមករា ឆ្នាំ២០១៩ បានខិតខំប្រឹងប្រែងប៉ុនប៉ងរុករកអ្នកបាត់ខ្លួនជាច្រើនសិបនាក់ក្នុងការបាក់ដីមួយ ដែលបណ្ដាលឲ្យមនុស្សស្លាប់យ៉ាងតិច៩នាក់ នៅលើកោះជ្វាឥណ្ឌូណេស៊ី។
អ្នកនាំពាក្យនៃទីភ្នាក់ងារគ្រប់គ្រងគ្រោះមហន្តរាយជាតិ លោក SUTOPO PURWO NUGROHO បានថ្លែងថា មនុស្សយ៉ាងតិច៣៤នាក់បាត់ខ្លួន ចាប់តាំងពីកើតមានគ្រោះមហន្តរាយនោះ មកពីភ្លៀងធ្លាក់ខ្លាំង ហើយកើតមានមុនពេលថ្ងៃលិចនាថ្ងៃទី៣១ ធ្នូ ក្នុងខេត្តជ្វាខាងលិច។
ភ្លៀងធ្លាក់ខ្លាំង ការដាច់អគ្គិសនី និងផ្លូវថ្នល់លំបាក រារាំងដល់ការបញ្ជូនគ្រឿងចក្រទៅកាន់កន្លែងបាក់ដី ក្នុងតំបន់មួយនៃទីក្រុងស៊ូកាកាប៊ូមី។ ការងារជួយសង្គ្រោះក៏ជួបការលំបាកដែរ មកពីមនុស្សម្នាលើកគ្នាទៅកាន់ទីនោះច្រើន។ ផ្អាកនាពេលយប់ការរុករកបន្តនាព្រឹកថ្ងៃទី១ មករា។ ក្រៅពីអ្នកស្លាប់មនុស្ស៤នាក់ក៏រងរបួសដែរ៕ វីដេអូដកស្រង់ចេញពី ៖ ETVBharat English
ចែករំលែកព័តមាននេះ