ខេត្តបន្ទាយមានជ័យ ៖ បុរសអាណាថាម្នាក់ក្នុងសភាពស្បែកដណ្តប់ឆ្អឹងដែលដេកឈឺក្រោមកុដិលោក ក្នុងវត្តបាលិលេយ្យ ភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ត្រូវបានលោកប្រធានមន្ទីរពេទ្យបង្អែកក្រុងប៉ោយប៉ែតឲ្យក្រុមការងារយករថយន្តសង្គ្រោះមកដឹកទៅមន្ទីរពេទ្យដើម្បីព្យាបាលជម្ងឺ ។
បុរសអនាថាខាងលើឈ្មោះគន់ ម៉ន អាយុ៤៨ឆ្នាំ អតីតជាកម្មករ ស្នាក់នៅក្នុងវត្តបាលិលេយ្យភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែតជាយូរឆ្នាំមកហើយ។
ប្រភពព័ត៌មានបានឱ្យដឹងថា មួយរយៈចុងក្រោយនេះ គេឃើញបុរសខាងលើធ្លាក់ខ្លួនឈឺដេកនឹងកន្ទេលក្រោមកុដិលោក និងមានសភាពស្លេកស្លាំងមែនទែន។ ពេលសាកសួរ បុរសខាងលើបាននិយាយថា ដោយ
សារគាត់គ្មានប្រាក់ទិញថ្នាំលេប ហើយមិនហ៊ានទៅមន្ទីរពេទ្យ។
ពាក់ព័ន្ធនឹងករណីខាងលើនេះ កាលពី៣ថ្ងៃមុន ភ្នាក់ងារកោះសន្តិភាពបានទូរស័ព្ទទៅប្រាប់លោកភោគ លន ចៅសង្កាត់ប៉ោយប៉ែត និងថែមទាំងបញ្ជូនរូបភាពតាម Messenger ឲ្យឃើញដែរ តែអាជ្ញាធរបានត្រឹម
តែប្រាប់ថានឹងទៅមើល ។
រហូតមកទល់នឹងព្រឹកថ្ងៃទី១ មករា ឆ្នាំ២០១៩ បុរសអនាថាខាងលើនៅតែដេកឈឺគ្មានថ្នាំព្យាបាល និងគ្មានប្រាក់ទិញអ្វីហូបដដែល។
ដោយមិនព្រងើយកន្តើយ តាមរយៈភ្នាក់ងារកោះសន្តិភាព លោកវេជ្ជបណ្ឌិតហ៊ុល សុផល្លី ប្រធានមន្ទីរពេទ្យបង្អែកក្រុងប៉ោយប៉ែតបានឲ្យរថយន្តសង្គ្រោះរបស់លោកដឹកបុរសអនាថាខាងលើយកទៅមន្ទីរពេទ្យភ្លាមៗ ដើម្បីព្យាបាលជម្ងឺ ជាពិសេសឲ្យបុរសខាងលើរួចផុតពីកាគ្រោះថ្នាក់ដល់អាយុជីវិត៕
ចែករំលែកព័តមាននេះ