ខេត្តកំពង់ឆ្នាំង ៖ ក្រោមការដឹកនាំរបស់ប្រមុខរាជរដ្ឋាភិបាលកម្ពុជា និងក្រោមការយកចិត្តទុកដាក់របស់ក្រសួងសុខាភិបាល មន្ទីពេទ្យខេត្តកំពង់ឆ្នាំង កំពុងធ្វើការអភិវឌ្ឍន៍លើហេដ្ឋារចនាសម្ព័ន្ធឲ្យបានល្អប្រសើរដើម្បីឆ្លើយតបទៅនឹងការបំរើសេវាកម្មព្យាបាលជំងឺជូនប្រជាពលរដ្ឋដោយប្រសិទ្ធិភាព សុខមាលភាព និងសោភ័ណ្ឌភាព អោយកាន់តែប្រសើរឡើងផងនោះ មន្ទីរពេទ្យបង្អែកខេត្តកំពង់ឆ្នាំងបាន…
ខេត្តកំពង់ឆ្នាំង ៖ ក្រោមការដឹកនាំរបស់ប្រមុខរាជរដ្ឋាភិបាលកម្ពុជា និងក្រោមការយកចិត្តទុកដាក់របស់ក្រសួងសុខាភិបាល មន្ទីពេទ្យខេត្តកំពង់ឆ្នាំង កំពុងធ្វើការអភិវឌ្ឍន៍លើហេដ្ឋារចនាសម្ព័ន្ធឲ្យបានល្អប្រសើរដើម្បីឆ្លើយតបទៅនឹងការបំរើសេវាកម្មព្យាបាលជំងឺជូនប្រជាពលរដ្ឋដោយប្រសិទ្ធិភាព សុខមាលភាព និងសោភ័ណ្ឌភាព អោយកាន់តែប្រសើរឡើងផងនោះ មន្ទីរពេទ្យបង្អែកខេត្តកំពង់ឆ្នាំងបាន និងកំពុងវាយរបងមន្តីរពេទ្យចាស់ធ្វើរបងជាថ្មីឡើងវិញ រួមទាំងក្លោងទ្វារក៏ត្រូវធ្វើថ្មីឡើងវិញដែរដើម្បីអោយសមស្របទៅនឹងស្ថានភាពភូមិសាស្ត្រសម្រាប់រថយន្តចេញចូលអោយបានធំទូលាយ និងសុវត្ថិភាពជាមុនព្រោះតែក្លោងទ្វារចាស់បានកៀកនឹងផ្លូវជាតិខ្លាំងពេក ។
លោកវេជ្ជបណ្ឌិត សូរិន្ទី រ៉ាវុឌ្ឍី ប្រធានមន្ទីរពេទ្យបង្អែកខេត្តកំពង់ឆ្នាំងបានអោយដឹងថា បច្ចុប្បន្នមន្ទីរពេទ្យបង្អែកខេត្តកំពង់ឆ្នាំង មានអគារជាច្រើនដូចជាអគារទទួលអ្នកជំងឺដំបូង អគារព្យាបាលរបួសអាគារវះកាត់ អគារសង្គ្រោះបន្ទាន់ អគារពិសោធន៍ អគារសំរាកព្យាបាលជម្ងឺទូរទៅ អគារសម្ភព អគារពេទ្យកុមារ អគារសំរាកព្យាបាលទណ្ឌិត និងអគារសំរាកព្យបាលជម្ងឺរបេងជាដើម ។
មន្ទីរពេទ្យមានគ្រែសំរាប់អ្នកជំងឺសំរាកព្យាបាលចំនួន១៦២គ្រែ ។ ចំណែកបុគ្គលិកមន្ត្រីរាជការគ្រូពេទ្យក្នុងមន្ទីរពេទ្យខេត្តសរុបមានចំនួន១៦៣នាក់ ក្នុងនោះមានវេជ្ជបណ្ឌិតចំនួន២៧នាក់ ។
ចំពោះសំណួរសួរថា តើមានកត្តាអ្វីខ្លះដែលបណ្តាលអោយមានអ្នកជម្ងឺយ៉ាងច្រើនចូលមកសម្រាកព្យាបាលក្នុងមន្ទីរពេទ្យខេត្តកំពង់ឆ្នាំងកាន់តែច្រើនឡើងបែបនេះ?
លោកប្រធានមន្ទីរពេទ្យបង្អែកខេត្តកំពង់ឆ្នាំងបានឆ្លើយថា ដោយសារប្រជាពលរដ្ឋមន្ត្រីរាជការ បានយល់កាន់តែច្បាស់នូវសេវាកម្មសមធម៌ដែលរាជរដ្ឋាភិបាលបានដាក់ចេញជូនប្រជាពលរដ្ឋក្រីក្រព្យាបាលដោយឥតគិតថ្លៃ ចំណែកមន្ត្រីរាជការ បុគ្គលិក កម្មករ សុទ្ធសឹងតែមានប័ណ្ណ ប.ស.ស ដែលព្យាបាលដោយមិនបង់ថ្លៃនោះឡើយ ។ និយាយជារួមពួកគាត់មិនបង់ថ្លៃក៏ពិតមែនតែខាងមន្ទីរពេទ្យបានប្រាក់ថ្លៃព្យាបាលពីរដ្ឋ និងពី ប.ស.ស ដោយមិនពិបាកទារពីអ្នកជម្ងឺ និងពេលខ្លះសុំមានការយោគយល់ជាដើម ៕
ចែករំលែកព័តមាននេះ