ខេត្តព្រះសីហនុ ៖ តង់សម្រាកលំហែកាយចំនួន៣០០តង់ នៅចំណុចឆ្នេរអូរឈើទាល ដែលរៀបចំឡើងដោយមន្ទីរទេសចរណ៍ និងរដ្ឋបាលសាលាខេត្តព្រះសីហនុសម្រាប់ថ្ងៃខោនដោនចូលឆ្នាំសកលប្រមាណ៨០% ត្រូវបានភ្ញៀវទេសចរណ៍ជាតិជួលស្នាក់នៅសម្រាប់ថ្ងៃខោនដោន ។ មន្ត្រីសាលាខេត្តព្រះសីហនុម្នាក់បានឲ្យដឹងនៅវេលាម៉ោង០៤និង៣០នាទីរសៀល ថ្ងៃទី៣១…
ខេត្តព្រះសីហនុ ៖ តង់សម្រាកលំហែកាយចំនួន៣០០តង់ នៅចំណុចឆ្នេរអូរឈើទាល ដែលរៀបចំឡើងដោយមន្ទីរទេសចរណ៍ និងរដ្ឋបាលសាលាខេត្តព្រះសីហនុសម្រាប់ថ្ងៃខោនដោនចូលឆ្នាំសកលប្រមាណ៨០% ត្រូវបានភ្ញៀវទេសចរណ៍ជាតិជួលស្នាក់នៅសម្រាប់ថ្ងៃខោនដោន ។
មន្ត្រីសាលាខេត្តព្រះសីហនុម្នាក់បានឲ្យដឹងនៅវេលាម៉ោង០៤និង៣០នាទីរសៀល ថ្ងៃទី៣១ ខែធ្នូ ឆ្នាំ២០១៨ថា តង់ចំនួន៣០០ ដែលរៀបចំឡើងដោយមន្ទីរទេសចរណ៍ និងរដ្ឋបាលសាលាខេត្តព្រះសីហនុសម្រាប់ការស្នាក់នៅរបស់ភ្ញៀវទេសចរណ៍ជាតិ និងអន្តរជាតិដែលធ្វើដំណើរមកកម្សាន្តនៅក្នុងរាត្រីឆ្លងឆ្នាំសកល២០១៨ ឆ្លងចូលឆ្នាំ២០១៩ តាមពេលវេលាខាងលើភ្ញៀវទេសចរណ៍បានកក់ និងចូលមកស្នាក់ជាបណ្តើរៗអស់ចំនួន៨០%ហើយ ។
ប្រភពខាងលើបានបន្តឲ្យដឹងទៀតថា បើតាមការសន្និដ្ឋានទុកជាមុនចំនួនតង់ដែលបានរៀបទុកខាងលើ មិនអាចបម្រើរតាមតម្រូវការឲ្យគ្រប់គ្រាន់សម្រាប់ភ្ញៀវទេ គ្រាន់តែជាការរំលែកបន្ធូរបន្ថយពីបន្ទប់ផ្ទះសំណាក់ និងសណ្ឋាគារតែប៉ុណ្ណោះ ។ ប្រភពខាងលើបានបញ្ជាក់ឲ្យដឹងទៀតថា ចំពោះតម្លៃតង់ជួលសម្រាកក្នុងឱកាសខាងលើនេះ ចំពោះតង់ដែលសម្រាប់សម្រាកបាន០២នាក់ តម្លៃ១៥ដុល្លារ ដោយឡែកតង់ធំដែលអាចសម្រាកបាន០៤នាក់ តម្លៃ២០ដុល្លា ។
ដោយឡែកអាជីវករលក់ដូរមឹកអាំង និងម្ហូបសមុទ្រតាមអម្រែកផ្សេងៗនៅឆ្នេរខាងលើបានបង្ហើបឲ្យដឹងថា តង់ខាងលើមានភ្ញៀវទេសចរណ៍ជួលសម្រាកមានចំនួនតិចតួចបំផុត ផ្ទុយពីការអះអាងរបស់មន្ត្រីសាលាខេត្តខាងលើ ដែលជាការលើកឡើងក្រោមរូបភាពលាក់លៀមតែប៉ុណ្ណោះ ដោយសារតែខ្លាចខូចមុខមាត់ខេត្តតែប៉ុណ្ណោះ សូម្បីតែនៅតាមឆ្នេរមានភ្ញៀវចុះមុជទឹកសមុទ្រលេងតិចតួចណាស់មិនបាច់រៀបរាប់ក៏ឃើញដែរ ។
ដោយឡែកលោក តាំង សុចិត្រគ្រឹះស្នារ ប្រធានមន្ទីរទេសចរណ៍ខេត្តទូរស័ព្ទមិនអាចធ្វើការទំនាក់ទំនងបានទេ នៅក្រៅតំបន់សេវា ៕
ចែករំលែកព័តមាននេះ