រាជធានីភ្នំពេញ ៖ រយៈពេល១ឆ្នាំមកហើយ នៅតែមានអ្នកជិះបញ្ច្រាសសួនច្បារ និងរង្វង់មូលវិមានឯករាជ្យទោះបីមានការចាំស្ទាក់ចាប់ពីកងកម្លាំងរាល់ថ្ងៃក៏ដោយ ។ អាជ្ញាធរខណ្ឌដូនពេញបានអះអាងថា រហូតមកដល់ពេលនេះមានរយៈពេលមួយឆ្នាំហើយ បើគិតចាប់ពីថ្ងៃទី០១ មករា…
រាជធានីភ្នំពេញ ៖ រយៈពេល១ឆ្នាំមកហើយ នៅតែមានអ្នកជិះបញ្ច្រាសសួនច្បារ និងរង្វង់មូលវិមានឯករាជ្យទោះបីមានការចាំស្ទាក់ចាប់ពីកងកម្លាំងរាល់ថ្ងៃក៏ដោយ ។
អាជ្ញាធរខណ្ឌដូនពេញបានអះអាងថា រហូតមកដល់ពេលនេះមានរយៈពេលមួយឆ្នាំហើយ បើគិតចាប់ពីថ្ងៃទី០១ មករា ឆ្នាំ២០១៨ រហូតដល់ថ្ងៃទី០១ ខែមករា ឆ្នាំ២០១៩នេះដែលកម្លាំងគណៈបញ្ជាការឯកភាពខណ្ឌដូនពេញបានសហការជាមួយការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញបានដាក់ជាប្រចាំ ដើម្បីអនុវត្តយុទ្ធនាការឃាត់ម៉ូតូ និងរថយន្តបើកបញ្ច្រាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ ។ បន្ទាប់ពីមានបទបញ្ជារបស់សម្តេចអគ្គមហាសេនាបតីតេជោ ហ៊ុន សែន នោះ ។
មន្ត្រីដដែលបានបញ្ជាក់ថា ទោះបីជាមានការដាក់កម្លាំងប្រចាំការចាំស្ទាក់ចាប់រាល់ថ្ងៃក្តីក៏នៅតែមានអ្នកជិះបញ្ច្រាសទិសចរាចរណ៍ និងចាប់បានរាល់ផងដែរ ។ មន្ត្រីដដែលបានបញ្ជាក់ថា ជាក់ស្តែងក្នុងរយៈពេលមួយឆ្នាំកន្លងមកនេះកម្លាំងបានធ្វើការឃាត់យានយន្តសរុបចំនួន៣ ៦១៨គ្រឿង ក្នុងនោះម៉ូតូចំនួន៣១០៤គ្រឿង រ៉ឺម៉កម៉ូតូកង់បីចំនួន៣៨២គ្រឿង និងរថយន្តចំនួន១៣២គ្រឿង ដោយបានញ្ជូនទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើកាអប់រំណែនាំបន្តតាមនីតិវិធី ៕
ចែករំលែកព័តមាននេះ