រាជធានីភ្នំពេញ៖ ឈ្មោះចរិយា ពេជ្រ គឺនៅតែមានទស្សនិកជនស្គាល់ច្រើន បើទោះបីជានាងឃ្លាតឆ្ងាយពីសិល្បៈក្តី ។ ចរិយា ពេជ្រ អតីតតារាសម្តែងដ៏មានឈ្មោះបោះសំឡេងម្នាក់ដែលបានឈប់ពីសិល្បៈយូរដែរហើយ ប៉ុន្តែត្រូវគេដឹងថា…
រាជធានីភ្នំពេញ៖ ឈ្មោះចរិយា ពេជ្រ គឺនៅតែមានទស្សនិកជនស្គាល់ច្រើន បើទោះបីជានាងឃ្លាតឆ្ងាយពីសិល្បៈក្តី ។ ចរិយា ពេជ្រ អតីតតារាសម្តែងដ៏មានឈ្មោះបោះសំឡេងម្នាក់ដែលបានឈប់ពីសិល្បៈយូរដែរហើយ ប៉ុន្តែត្រូវគេដឹងថា នាងមានសំណាងខ្លាំង បន្ទាប់ពីរៀបការសាងសុភមង្គលជាមួយនឹងស្វាមីវ័យចំណាស់ម្នាក់ ។
កាន់តែច្បាស់ហើយដែលស្រីស្អាតចរិយា ពេជ្រ បាត់មុខពីសិល្បៈក្រោយរៀបការ ដោយនាងបានបញ្ជាក់ថាដំណើរចូលសិល្បៈវិញមិនមានទេបើទោះជាចិត្តនៅស្រឡាញ់ក្តី ។ បញ្ហាមិនអាចបកក្រោយព្រោះនាងកំពុងក្លាយជាម្តាយគេ ហើយត្រូវដើរតួនាទីជាមេគ្រួសារឲ្យល្អ ។
ចរិយា ពេជ្រជ ាអតីតតារាសម្តែងមួងដួងដែលមានទេពកោសល្យរហូតត្រូវបានបណ្តាផលិតកម្មមួយចំនួនផ្តល់តំណែងជាតួឯកជាប់គ្នាបានប៉ុន្មានរឿងធ្វើឲ្យគេស្គាល់ ហើយហក់ឡើងកេរ្តិ៍ឈ្មោះជាបន្តបន្ទាប់។ ចរិយា ពេជ្រគឺជាមិត្តស្និទ្ធស្នាលជាមួយតារាសម្តែង និងពិធីការិនីព្រះកាយច័ន្ទ ប៉ុន្តែនាងជាអ្នករកបានម្ចាស់បេះដូងមុនព្រះកាយច័ន្ទ ។
ក្នុងជំនួបកាលពីពេល ថ្មីៗកន្លងមកក្នុងឱកាសសម្ពោធគ្រឿងសំអាងនៅសណ្ឋាគារណា ហ្គា ចរិយា ពេជ្រ បានឲ្យដឹងថារហូតមកទល់ពេលនេះនាងទទួលបានចំណងដៃ ដោយពពោះកូនប្រុសលើកទី១បានជាង៦ខែហើយ ។ «ការពពោះដំបូងខ្ញុំយល់សប្តិថាបានចិញ្ចៀនស្មានថាកូនភ្លោះ តែពេលឆ្លុះអេកូឃើញថាកូនប្រុសតែ១ ។យ៉ាងណាមិញនាងខ្ញុំមានសេចក្តីសុខព្រោះនោះជាអ្វីដែលនាងខ្ញុំ និងស្វាមីចង់បានក្រោយរៀបការ»។
ចរិយា ពេជ្រ បញ្ជាក់ថានាងគ្រោងទៅរស់នៅប្រទេសអូស្ត្រាលី ប៉ុន្តែមូលហេតុដែលពន្យារពេលមកពីនាងនៅមានកិច្ចការខ្លះក្នុងស្រុក។ ណាមួយចៃដន្យកំពុងពពោះ ក៏ពន្យារពេលដូច្នេះចាំដល់ពេលឆ្លងទន្លេបានច្រើនខែ នោះពិតជាទៅរស់នៅអូស្ត្រាលីតែម្តង។ បើនាងចេញទៅអូស្ត្រាលីពេលនេះដូចជាពិបាកនៅទីនោះមិនសូវមានអ្នកមើលថែ តែបើនៅស្រុកខ្មែរមានបងប្អូនមានច្រើន ក៏ស្រួលមើលថែ។ បើទោះជាកូនកើតនៅស្រុកខ្មែរ តែក៏អាចចូលសញ្ជាតិជាអូស្ត្រាលីដោយសារឪពុកជាជនជាតិនៅទីនោះស្រាប់ ។
ចំពោះរឿងវិលចូលពិភពសិល្បៈវិញចរិយា ពេជ្រនិយាយថា«មិនអាចចូលសិល្បៈវិញបានទេដោយសារតែខ្ញុំមានកូន មានស្វាមី ភារៈសំខាន់គឺមើលខុសត្រូវគ្រួសារមានប្តីតាមប្តី ។ សិល្បៈនៅតែស្រឡាញ់ ហើយនៅតែជួយគាំទ្រតាមដានជានិច្ច។ ទោះនាងខ្ញុំទៅនៅអូស្ត្រាលីមិនទាន់ចេញធ្វើការនោះទេ គឺនៅតែផ្ទះមើលថែកូនតែប៉ុណ្ណោះ»៕
ចែករំលែកព័តមាននេះ