រាជធានីភ្នំពេញ ៖ គ្រោះថ្នាក់ចរាចរណ៍រវាងម៉ូតូមួយគ្រឿងបានទាក់ដៃចង្កូតគ្នាជាមួយម៉ូតូធុនធំគ្រឿងទៀត ធ្វើឱ្យបុរសម្នាក់បានលើកអាវសំញ៉ែងកាំភ្លើងខ្លីនៅចង្កោះដើម្បីបំបាក់ស្មារតីភាគីម្ខាងទៀត ដែលហេតុការណ៍នេះបង្កឱ្យមានការភ្ញាក់ផ្អើលដល់ប្រជាពលរដ្ឋកាលពីម៉ោង៧និង៣០យប់ថ្ងៃទី២៩ ខែធ្នូ ឆ្នាំ២០១៨ នៅចំណុចផ្លូវបេតុង (អង្គតាម៉ិញ) ក្នុងសង្កាត់ចោមចៅទី១…
រាជធានីភ្នំពេញ ៖ គ្រោះថ្នាក់ចរាចរណ៍រវាងម៉ូតូមួយគ្រឿងបានទាក់ដៃចង្កូតគ្នាជាមួយម៉ូតូធុនធំគ្រឿងទៀត ធ្វើឱ្យបុរសម្នាក់បានលើកអាវសំញ៉ែងកាំភ្លើងខ្លីនៅចង្កោះដើម្បីបំបាក់ស្មារតីភាគីម្ខាងទៀត ដែលហេតុ
ការណ៍នេះបង្កឱ្យមានការភ្ញាក់ផ្អើលដល់ប្រជាពលរដ្ឋកាលពីម៉ោង៧និង៣០យប់ថ្ងៃទី២៩ ខែធ្នូ ឆ្នាំ២០១៨ នៅចំណុចផ្លូវបេតុង (អង្គតាម៉ិញ) ក្នុងសង្កាត់ចោមចៅទី១ ខណ្ឌពោធិសែនជ័យ។
តាមប្រភពព័ត៌មានបានឱ្យដឹងថា មុនពេលកើតហេតុ គេបានឃើញបុរសមិនស្គាល់អត្តសញ្ញាណខាងលើជិះម៉ូតូមួយគ្រឿងធុនធំ ម៉ាក BAJA ពណ៌សលាយទឹកប្រាក់ ដោយបើកក្នុងទិសដៅពីជើងមកត្បូង លុះមកដល់ចំណុចខាងលើស្រាប់តែបុរសម្នាក់ទៀតមិនស្គាល់អត្តសញ្ញាណបានបើកបរម៉ូតូមួយគ្រឿងម៉ាកហុងដាឌ្រីម ធ្វើដំណើរមកពីក្រោយបានគេចពីរថយន្តមួយគ្រឿងមកពីខាងមុខ ក៏ទៅទាក់ដៃចង្កូតគ្នាជាមួយម៉ូតូធំនោះ បណ្តាលឱ្យដួលម៉ូតូធំម៉ាក BAJA សង្កត់ពីលើម៉ូតូម៉ាកហុងដាឌ្រីម ។
ពេលនោះភាគីទាំងសងខាងលើកម៉ូតូបញ្ឈ បន្ទាប់មកគេឃើញភាគីខាងម៉ូតូធំបានលើកអាវដើម្បីសំញ៉ែងឱ្យឃើញកាំភ្លើងខ្លីសៀតនៅចង្កោះដើម្បីបំបាក់ស្មារតីភាគីម្ខាងទៀត។
ប្រភពដដែលបានឱ្យដឹងទៀតថា ពេលនោះភាគីខាងម៉ូតូម៉ាកហុងដាឌ្រីម ឃើញដូច្នេះ ក៏សុំសម្រួលដោយលើកដៃសំពះសូមទោសផង ក្នុងនោះក៏មានប្រជាពលរដ្ឋចូលរួមជួយសំរួលសុំអង្វរផងដែរ ដោយមានជាតិស្រវឹងចូលខ្លួន និងគួបផ្សំមានកាំភ្លើងខ្លីនៅជាប់ខ្លួនផង ភាគីខាងបុរសដែលជិះម៉ូតូធំខាងលើមិនខ្ចីសំរួលឡើយ។
ប្រភពដដែលបានបន្តថា ដោយមើលឃើញទង្វើខាងលើនេះ ទើបប្រជាពលរដ្ឋរាយការណ៍ទៅសមត្ថកិច្ចមូលដ្ឋានឱ្យចុះមកកន្លែងកើតហេតុដើម្បីជួយធ្វើការសំរបសំរួល។ ពេលឃើញសមត្ថកិច្ចមូលដ្ឋានចុះមកច្រូងច្រាង ទើបភាគីខាងបុរសជិះម៉ូតូធំខាងលើព្រមសំរួល និងអនុញ្ញាតឱ្យភាគីខាងម៉ូតូហុងដាឌ្រីមជិះចេញទៅដោយពុំបានទាមទាសំណងអ្វីឡើយ។
ពាក់ព័ន្ធករណី ដែលបុរសជិះម៉ូតូធំលើកអាវសំញ៉ែងកាំភ្លើងនៅចង្កោះខាងលើនេះធ្វើឱ្យមានការភ្ញាក់ផ្អើលដល់សមត្ថកិច្ចទូទាំងក្រុងតែម្តង ចុងក្រោយបុរសដែលជិះម៉ូតូធំខាងលើនោះត្រូវបានសមត្ថកិច្ចនាំខ្លួនយកទៅធ្វើការសាកសួរផងដែរពាក់ព័ន្ធការស្លៀកពាក់ស៊ីវិលហើយមានអាយឌី និងកាំភ្លើងខ្លីម៉ាក K59 ជាប់ខ្លួនទៀត ៕
ចែករំលែកព័តមាននេះ