ខេត្តបន្ទាយមានជ័យ ៖ លោក ហ៊ឹល រ៉ាយ៉ា អភិបាលនៃគណៈអភិបាលក្រុងសិរីសោភ័ណ រួមនឹងមន្ត្រីក្រោមឱវាទបានចូលរួមដោះស្រាយផលប៉ះពាល់ជាមួយប្រជាពលរដ្ឋជាង១០គ្រួសារ ដែលរងផលប៉ះពាល់ លើគម្រោងស្ថបនាផ្លូវមួយខ្សែតភ្ជាប់ពីរភូមិ គឺភូមិពង្រទៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ មានប្រវែង៨០០ម៉ែត្រ ដើម្បីឲ្យដំណើរការនៃការស្ថាបនាបានលឿនបម្រើដល់ប្រយោជន៍រវាងប្រជាពលរដ្ឋទាំង២ភូមិខាងលើធ្វើដំណើរឆ្លង ពិសេសដឹកជញ្ជូននូវកសិផលផ្សេងៗ ។
ក្នុងឱកាសចុះដោយស្រាយផលប៉ះពាល់ជាមួយប្រជាពលរដ្ឋលោក ហ៊ឹល រ៉ាយ៉ា អភិបាលក្រុងសិរីសោភ័ណ បានធ្វើសំណូមពរដល់ប្រជាពលដ្ឋទាំង២ភូមិខាងលើ មេត្តាជួយសហការ និងសម្រួលនូវផលប៉ះពាល់មួយចំនួនដើម្បីឲ្យដំណើរការនៃការស្ថបនាផ្លូវមួយខ្សែនេះបានលឿន ។
លោកបានលើកឡើងថា ផ្លូវនេះគឺវាបានផ្តល់សារសំខាន់សម្រាប់បងបងប្អូនក្នុងការធ្វើដំណើរឆ្លងកាត់ទៅមកដឹកជញ្ជូនទំនិញ និងកសិផលផ្សេងៗ ម្យ៉ាងវិញទៀតវាក៏ជាចំណែកមួយក្នុងការកាត់បន្ថយការគ្រោះថ្នាក់ចរាណ៍តាមដងផ្លូវជាតិផងដែរ ។
ដូច្នេះនាមជាលោកអភិបាលក្រុងក៏ស្នើសុំឲ្យបងប្អូនទទួលនូវផលប៉ះពាល់មេត្តាយោគយល់ទាំងអស់គ្នា ដើម្បីឲ្យសមិទ្ធិផលផ្លូវមួយខ្សែរដំណើរការទៅដោយរលូន និងរួចរាល់ក្នុងពេលឆាប់ៗខាងមុខនេះ ។
តាមរយៈការសម្របសម្រួល ដោយផ្អែកលើយុទ្ធសាស្ត្រឈ្នះ-ឈ្នះប្រជាពលរដ្ឋទាំង២ភូមិមាន ភូមិពង្រ និងភូមិកំពង់ស្វាយ សង្កាត់កំពង់ស្វាយ បានឯកភាពយល់ព្រមក្នុងសម្រួលនូវផលប៉ះរបស់ពួកគាត់ព្រមទាំងបាននាំគ្នាសាទរជាខ្លាំងនូវសមិទ្ធិផលផ្លូវមួយខ្សែរនេះ ។
ពួកគាត់បានលើកឡើងថា សម្រាប់ផ្លូវដែល និងត្រូវស្ថាបនានេះគឺវាពិតជាបានផ្តល់នូវសារសំខាន់ណាស់សម្រាប់ពួកគាត់ក្នុងការធ្វើដំណើរទៅមក ងាយស្រួលដឹកជញ្ជូនកសិផលផ្សេងៗ ពិសេសពួកគាត់លែងមានការព្រួយបារម្ភរឿងគ្រោះចរាណ៍ទៀតហើយ ណាមួយការចំណាយពេលវេលាតិចណាស់ បើប្រៀបធៀបទៅនឹងការធ្វើដំណើរលើផ្លូវជាតិ ៕
ចែករំលែកព័តមាននេះ