Messi ដាក់មួយម៉ាត់ទៅវិញអាចចត់បាយ ឆ្លើយតប Ronaldo បបួលចេញពី Barcelona
តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ដាក់មួយម៉ាត់ទៅវិញឱ្យគូប្រជែងរបស់ខ្លួន Cristiano Ronaldo…
តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ដាក់មួយម៉ាត់ទៅវិញឱ្យគូប្រជែងរបស់ខ្លួន Cristiano Ronaldo វិញ ក្រោយពីដឹងថាមានអ្នកចង់ឱ្យខ្លួនចាកចេញពីក្លិប Barcelona ហើយទៅលេងនៅក្លិបផ្សេង ។
មានមនុស្សជាច្រើនភ្ញាក់ផ្អើលនឹងការចាកចេញរបស់ Ronaldo ពីក្លិប Real Madrid ដោយសារតែរឿងនេះគឺលឿនពេក ហើយចំនួនឆ្នាំដែលនៅជាមួយគ្នាក៏យូរទៀតដល់ទៅ៩ឆ្នាំ ។ ចុងក្រោយការចាកចេញនេះគឺប្រៀបបានដូចទៅនឹងការបញ្ចប់ភាពជាគូប្រជែងរបស់ Ronaldo និង Messi អញ្ចឹង ។
នាពេលថ្មីៗនេះ Ronaldo បានបង្ហើបសម្តីថា ចង់ឱ្យ Messi ចូលលេងនៅ Serie A ដើម្បីអាចប្រកួតគ្នាទៀត តែសម្រាប់ Messi វិញពេលនេះបានឆ្លើយតបប្រាប់សារព័ត៌មាន Marca ថា ៖«ខ្ញុំមិនចាំបាច់ត្រូវផ្លាស់ប្តូរកន្លែងថ្មីទេ ។ ខ្ញុំកំពុងតែនៅក្នុងក្រុមល្អផ្តាច់គេលើលោកហើយ ។ អ្នករួមក្រុមជាមួយនឹងប្តូររាល់ឆ្នាំ» ។
តារាឆ្នើមសញ្ជាតិអាហ្សង់ទីនម្នាក់នេះបានបន្តថា ៖«ខ្ញុំមិនចាំបាច់ប្តូរក្រុម ឬលីគ ដើម្បីកំណត់គោលដៅថ្មីឡើយ ។ ខ្ញុំកំពុងនៅផ្ទះរបស់ខ្ញុំ ហើយខ្ញុំមិនត្រូវការប្តូរឡើយ» ។
គួរបញ្ជាក់ផងដែរថា Messi បានធ្វើឱ្យកក្រើករដូវកាលសារជាថ្មីជាមួយនឹងការស៊ុតចូល២១គ្រាប់ក្នុងការប្រកួត២០ដងសម្រាប់ក្រុមអ្នកមានបុណ្យ Barcelona ៕
ចែករំលែកព័តមាននេះ