រាជធានីភ្នំពេញ ៖ ជនសង្ស័យម្នាក់ក្រោយធ្វើសកម្មភាពកាប់ប្លន់យកម៉ូតូពីអ្នករត់ម៉ូតូឌុបម្នាក់មិនបានសម្រេច ហើយគេចខ្លួនអស់ជាងមួយឆ្នាំ ស្រាប់តែជនរងគ្រោះប្រទះឃើញក៏ប្តឹងសមត្ថកិច្ចអោយឃាត់ខ្លួនតែម្តង។
ហេតុការណ៍នេះបានកើតឡើងកាលពីម៉ោង១០និង៣០នាទីយប់ថ្ងៃទី២៩ ធ្នូ ២០១៨ នៅចំណុច ផ្លូវវេងស្រេង ក្នុងភូមិត្រពាំងថ្លឹង៣ ខណ្ឌពោធិ៍សែនជ័យ។
ជនសង្ស័យម្នាក់ខាងលើឈ្មោះ វ៉ា សុខមី ភេទប្រុស អាយុ៣០ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ សាំង សុន ភេទប្រុស អាយុ៤៣ឆ្នាំ មុខរបររត់ម៉ូតូឌុប ស្នាក់ភូមិដីថ្មី សង្កាត់ស្ទឹងមានជ័យ៣ ខណ្ឌមានជ័យ។
ប្រភពពីជនរងគ្រោះបានឲ្យដឹងថា មុនកើតហេតុហេតុ កាលពីម៉ោង១១និង៣០នាទីយប់៨ វិច្ឆិកា ឆ្នាំ២០១៧ ពេលគាត់កំពុងរត់ម៉ូតូឌុប (ម៉ូតូរបស់ជនរងគ្រោះម៉ាកសង់ប៊ិច ពណ៌ខ្មៅ) មកដល់ចំណុចផ្លូវចូលផ្ទះសំណាក់៣ដុល្លារ ស្ថិតនៅភូមិត្រពាំងថ្លឹង៣ ស្រាប់តែមានជនសង្ស័យម្នាក់បានហៅអោយគាត់ឈប់ម៉ូតូ លុះពេលគាត់ឈប់ ស្រាប់តែជនសង្ស័យបានទាញដាវកាប់សំដៅមកលើគាត់តែម្តង បណ្តាលអោយត្រូវបាតដៃខាងឆ្វេងរយះហូរឈាម ពេលនោះគាត់បានស្រែកអោយគេជួយ ធ្វើអោយជនសង្ស័យភ័យរត់គេចខ្លួនបាត់តែម្តង ។
ប្រភពដដែលបានបន្តថា រហូតដល់វេលាម៉ោង១០និង៣០នាទីយប់ថ្ងៃទី ២៩ ធ្នូ ឆ្នាំ២០១៨ ពេលគាត់កំពុងរត់ម៉ូតូឌុប ស្រាប់តែឃើញជនសង្ស័យដែលបានកាប់គាត់ នៅឈរក្បែរដងផ្លូវវេងស្រេងក្នុងភូមិត្រពាំងថ្លឹង៣ គាត់ក៏ប្តឹងសមត្ថកិច្ចឱ្យឃាត់ខ្លួនជនសង្ស័យខាងលើនោះតែម្តង។
បច្ចុប្បន្នជនសង្ស័យខាងលើត្រូវបានឃាត់ខ្លួនបណ្តោះអាសន្ននៅផ្នែកជំនាញនៃអធិការដ្ឋាននគរ
បាលខណ្ឌពោធិ៍សែនជ័យ ៕
ចែករំលែកព័តមាននេះ