សម្តេចតេជោនឹងចូលរួមឆ្នាំសកលនៅវិមានឈ្នះឈ្នះ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនឹងអញ្ជើញចូលរួមឆ្លងឆ្នាំសកល នៅវិមានឈ្ន-ឈ្នះ នៅយប់ថ្ងៃទី៣១ ខែធ្នូនេះ ។…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនឹងអញ្ជើញចូលរួមឆ្លងឆ្នាំសកល នៅវិមានឈ្ន-ឈ្នះ នៅយប់ថ្ងៃទី៣១ ខែធ្នូនេះ ។
សម្តេចបានសរសេរបានលើកឡើងលើបណ្តាញសង្គមយ៉ាងដូច្នេះថា«ថ្ងៃទី៣១ ធ្នូនេះ គឺជាថ្ងៃចុងក្រោយនៃឆ្នាំ២០១៨ ។ នៅយប់នេះខ្ញុំ និងភរិយានឹងចូលរួមឆ្លងឆ្នាំសកល២០១៨ ចូល ២០១៩ នៅវិមានឈ្នះឈ្នះ ដែលទើបសម្ពោធ កាលពីថ្ងៃទី២៩ ធ្នូ ថ្មីៗនេះ» ។ សម្តេចតេជោក៏បានអំពាវនាវដល់បងប្អូនអាចនាំកូនចៅមកកម្សាន្តសប្បាយនៅវិមានឈ្នះឈ្នះ ដែលមានកម្មវិធីប្រគុំតន្ត្រី និងស្តង់ពិព័រណ៍ជាច្រើន ព្រមទាំងពិធីបាញ់កាំ ជ្រួចឆ្លងឆ្នាំផងដែរ ។
ចំពោះវត្ថុអនុស្សាវរីយ៍ និងម្ហូបអាហារវិញ គឺមានលក់ត្រៀបត្រានៅតាមស្តង់ក្នុងបរិវេណវិមាន ឈ្នះឈ្នះ ។ សូមអញ្ជើញបងប្អូនជនរួមជាតិទេសចរជាតិ និងអន្តរជាតិ ព្រមទាំងកូនក្មួយយុវជនចូលរួមឆ្លងឆ្នាំសកលនៅវិមានឈ្នះឈ្នះយប់នេះឲ្យបានច្រើនកុះករ និងដើម្បីបានឃើញច្បាស់នូវសោភ័ណភាពវិមានប្រវត្តិសាស្ត្រនាពេលរាត្រីទៀតផង ។
សម្តេចបញ្ជាក់ថា ខ្ញុំ និងភរិយា សូមប្រគេនពរព្រះតេជគុណគ្រប់ព្រះអង្គ និងជូនពរបងប្អូនជនរួមជាតិទាំងក្នុង និងក្រៅប្រទេស ព្រមទាំងកងទ័ពជាតិដែលកំពុងឈរជើងការពារទឹកដីនៅតាមព្រំដែនជួបតែសេចក្តីសុខ សេចក្តីសចម្រើន មានសុខភាពល្អ ទទួលបានជោគជ័យក្នុងការងារ និងមុខរបរ និងមានលាភសំណាងគ្រប់ៗគ្នា នៅក្នុងឆ្នាំថ្មី២០១៩ ដែលនឹងចូលមកដល់នៅពាក់កណ្តាលអាធ្រាត្រយប់នេះ ៕
ចែករំលែកព័តមាននេះ