ប្រទេសហ្វ៊ីលីពីន ៖ យោងតាមតុល្យការថ្មីមួយបានប្រកាសនាថ្ងៃទី៣០ ខែធ្នូ ឆ្នាំ២០១៨ ដោយអាជ្ញាធរថា មនុស្សយ៉ាងតិច២២នាក់់ស្លាប់ ពេលព្យុះមួយវាយប្រហារនាចុងសប្តាហ៍លើភាគកណ្ដាលហ្វ៊ីលីពីន។
តុល្យការលើកមុនចេញផ្សាយនាថ្ងៃទី២៩ ធ្នូ និយាយពីមនុស្សស្លាប់៤នាក់។ ទោះបីព្យុះ USMAN ពុំសូវខ្លាំង តែភ្លៀងធ្លាក់ខ្លាំងជាប្រភពនៃការបាក់ដី និងទឹកជំនន់ ក្នុងតំបន់ប៊ីកុល និងតំបន់វីសាយ៉ាស់។ មនុស្សភាគច្រើនស្លាប់ដោយលង់ទឹក ឬដោយសារការបាក់ដី។ គេរាប់ឃើញអ្នកស្លាប់១៦នាក់ នៅតំបន់ប៊ីកុលនិង៦នាក់ នៅតំបន់វីសាយ៉ាស់ខាងកើត។ ភាគច្រើននៃតំបន់រងការប៉ះពាល់ត្រូវទឹកជន់លិច៕
ចែករំលែកព័តមាននេះ