សុខភាពទ្វារមាស គឺជារឿងសំខាន់បំផុត សម្រាប់មនុស្សស្រី។ សុខភាពទ្វារមាសចុះខ្សោយ នោះក៏អាចបណ្តាលឲ្យសុខភាពទូទៅចុះខ្សោយផងដែរ ។ ជាធម្មតា ទ្វារមាសនឹងផលិតទឹករំអិល ឲ្យសើមតិចៗជាប់ទ្វារមាស ដើម្បីការពារភាពស្ងួត និងបាក់តេរី ព្រមទាំងមេរោគនានា ប៉ុន្តែ ក្នុងករណីដែលវាហូរច្រើនពេក ឬធ្លាក់ខុសពីធម្មតា នោះហើយជាសញ្ញាដែលអ្នកគួរមានការប្រុងប្រយ័ត្ន និងប្រញាប់ទៅមន្ទីរពេទ្យជាបន្ទាន់។
បញ្ហាសុខភាពស្ត្រីផ្តល់ផលវិបាកច្រើនណាស់ ចំពោះសុខភាពដូចជា ៖ មិនអាចមានកូន, បង្កជាជំងឺធ្ងន់ធ្ងរ ដូចជាជំងឺមហារីកជាដើម, ចំណង់ និងសុខភាពផ្លូវភេទធ្លាក់ចុះ និងដៃគូមិនពេញចិត្ត ។
រោគសញ្ញាដែលបញ្ជាក់ថា ទ្វារមាសរបស់អ្នក មានសុខភាពមិនសូវល្អ ហើយអ្នកគួរតែប្រញាប់ទៅជួបគ្រូពេទ្យជាបន្ទាន់ ៖ 1.ស្ងួតទ្វារមាស, 2.រមាស់ ឬឈឺផ្សា, 3.ទឹករំអិលប្រែពណ៌ខុសធម្មតា, 4.ហូរឈាមតាមទ្វារមាស, 5.ឈឺចាប់ក្នុងពេលរួមភេទ, 6.មានកន្តួល ឬដុំពងបែក, 7.ទ្វារមាសធំក្លិនអាក្រក់,8.ឈាមរដូវហូរខុសធម្មតា និង9.ឈឺពេលបត់ជើងតូច (ប្រភពពី៖ Health.com.kh) ៕
ចែករំលែកព័តមាននេះ