គ្រូពេទ្យម្នាក់សម្លា.ប់សហាយ ហើយយកហ្វេសប៊ុកនាងបង្វែងដាន
ប៉ូលិសឥណ្ឌាបានចាប់ខ្លួនលោកវេជ្ជបណ្ឌិត Dharmendra Pratap Singh អ្នកស្រុកGorakhpur និងជនសង្ស័យ២នាក់ទៀត កាលពីថ្ងៃទី២១ ធ្នូ ២០១៨ ព្រោះជាប់ចោទពីបទធ្វើឃាតអ្នកស្រី…
ប៉ូលិសឥណ្ឌាបានចាប់ខ្លួនលោកវេជ្ជបណ្ឌិត Dharmendra Pratap Singh អ្នកស្រុកGorakhpur និងជនសង្ស័យ២នាក់ទៀត កាលពីថ្ងៃទី២១ ធ្នូ ២០១៨ ព្រោះជាប់ចោទពីបទធ្វើឃាតអ្នកស្រី Rakhi Srivastava ជាស្រីលួចលាក់ដោយរុញឲ្យធ្លាក់ពីលើផ្ទាំងថ្មនៅក្រុងប៉ូក្រាប្រទេសនេប៉ាល់ ។ លោកDharmendra Pratap Singhបានលេងហ្វេសប៊ុកជំនួសអ្នកស្រីRakhi Srivastava អស់រយៈពេល៧ខែដើម្បីបំបាត់លើការសង្ស័យ ។
រឿងនោះបានកើតឡើងកាលពីថ្ងៃទី១ មិថុនា ២០១៨ ដោយនារីរងគ្រោះបានទៅដើរកម្សាន្តជាមួយប្ដីលោកManish Sinha ជាអ្នកស្រុកនៅរដ្ឋភីហា ។ ក្រោយមកក្រុមគ្រួសាររបស់នាងទាក់ទងមិនបាន រហូតប្អូនប្រុសរបស់នាងបានប្ដឹងប៉ូលិសពីការបាត់ខ្លួនកាលពីថ្ងៃទី២៤ មិថុនា ប៉ុន្តែមិនបានគិតថានាងស្លាប់ព្រោះហ្វេសប៊ុកបង្ហាញជាប្រចាំ ។
តាមការស្រាវជ្រាវរបស់ប៉ូលិសបញ្ជាក់ថា លោកស្រី Srivastava បានស្គាល់លោកDharmendra Pratap Singh តាំងពីឆ្នាំ២០០៦ ក្រោយពីនាំឳពុកទៅព្យាបាល និងបានចងសម្ព័ន្ធមេត្រីភាពជាមួយគ្នាយ៉ាងស្ងប់ស្ងាត់ព្រោះខាងបុរសមានប្រពន្ធ ឯនាងក៏មានប្តី ។ លើសពីនេះគេក៏សារភាពថាបានច្រាននាងឲ្យធ្លាក់ពីលើផ្ទាំងថ្ម ដោយសារនាងគំរាមទារប្រាក់ និងទ្រព្យ ៕
ម៉ុក សេង
ចែករំលែកព័តមាននេះ