រាជធានីភ្នំពេញ ៖ ដើម្បីចូលរួមអបអរឆ្នាំថ្មី ឆ្នាំសកល២០១៩ នេះ ក្រុមហ៊ុន ស៊ី.ភី ខេមបូឌា ដែលជាក្រុមហ៊ុនផលិតចំណីអាហារល្បីមួយនៅកម្ពុជា បានប្រារព្ធកម្មពិធីនៃភាពជោគជ័យរបស់ខ្លួន និងថ្លែងអំណរគុណដល់អតិថិជនដែលចូលចិត្តទស្សនាភាពយន្តឲ្យទទួលបានឱកាសឈ្នះសំបុត្រកុនដោយមិនគិតថ្លៃ រួមទាំងការភ្លក់នូវផលិតផលរបស់ខ្លួនចាប់ពីថ្ងៃទី ២៩ ធ្នូ ឆ្នាំ២០១៨ រហូតដល់ថ្ងៃទី២៧ ខែមករាឆ្នាំ២០១៩ ។
យោងតាមសេចក្តីប្រកាសព័ត៌មានរបស់ក្រុមហ៊ុនបានឲ្យដឹងថា ដើម្បីចូលរួមលេងហ្គេមនៅក្នុងកម្មវិធី អតិថិជនគ្រាន់តែបង្ហាញវិក័យប័ត្រដែលទទួលបាន បន្ទាប់ពីទិញសាច់ក្រកពីរោងភាពយន្ត Major Cineplex ទៅកាន់ក្រុមការងារនៅក្នុងស្តង់ស៊ី.ភី ។ អ្នកឈ្នះពីគ្រប់ដំណាក់កាលនឹងទទួលបានសំបុត្រកុនដោយឥតគិតថ្លៃជាច្រើនដូចជា កាត Movie Gold Cards សំបុត្រ VIP សំបុត្រកុន 4DX សំបុត្រកុន 3D និង 2D។
លោក Thanachit Sriboonlue អគ្គនាយករងផ្នែកពាណិជ្ជកម្មចំណីអាហារមានប្រសាសន៍ថា «ពួកយើងសូមថ្លែងអំណរគុណដល់អតិថិជនដែលចូលចិត្តទស្សនាកុនទាំងអស់ ដែលតែងតែគាំទ្រផលិតផលសាច់ក្រក ស៊ី.ភី របស់ពួកយើង។ ពួកយើងទទួលបានមតិវិជ្ជមានពីអតិថិជនយ៉ាងច្រើន ក៏ដូចជាការគាំទ្រយ៉ាងខ្លាំងលើគុណភាព និងរសជាតិរបស់ផលិតផលពួកយើង» ។
លោកបន្តថា សម្រាប់ឆ្នាំថ្មីនេះ ពួកយើងចង់ចូលរួមអបអរភាពជោគជ័យរបស់យើងជាមួយអតិថិជនដែលចូលចិត្តទស្សនាកុនដោយផ្តល់ភាពសប្បាយរីករាយក្នុងការទស្សនាជាមួយនឹងការពិសារសាច់ក្រក ស៊ី.ភី នៅពេលកំពុងទស្សនា ។
លោក អ៊ុន រ៉ាវីត ដែលបានចូលរួមលេងហ្គេមកម្សាន្ត និងឈ្នះរង្វាន់សំបុត្រកុន 4DX បាននិយាយថា វាពិតជាពិសេសមែន លោកចូលចិត្តមើលកុន និងញុំាសាច់ក្រករបស់ក្រុមហ៊ុន ស៊ី.ភី ណាស់ ។ ថ្ងៃនេះ លោកគ្រាន់តែមកចូលរួមលេងហ្គេមកម្សាន្ត ហើយក៏ឈ្នះសំបុត្រកុនតែម្តង ! វាពិតជាពិសេសមែន ។
ដោយឡែកកញ្ញា គុណ ចន្ទសុភាតា ដែលកំពុងកាន់សាច់ក្រករបស់ក្រុមហ៊ុន ស៊ី.ភី ញុំានៅក្នុងដៃបាននិយាយថា ជាធម្មតា នាងតែងតែទិញសាច់ក្រករបស់ក្រុមហ៊ុន ស៊ី.ភី មុនពេលចូលមើលកុន ហើយឥឡូវពួកយើងទទួលបានសំបុត្រកុនដោយឥតគិតថ្លៃនៅក្នុងកម្មវិធីលេងកម្សាន្តនេះ ។ ហ្គេមនេះ គឺស្រួលលេង ហើយសប្បាយទៀត ហើយក៏ងាយឈ្នះសំបុត្រកុនដែរ ។
កម្មវិធីកម្សាន្តនេះ នឹងប្រារព្ធធ្វើឡើងរយៈពេល៤សប្តាហ៍ ។ អ្នកទាំងអស់គ្នាអាចរកស្តង់របស់ក្រុមហ៊ុន ស៊ី.ភី បាននៅខាងមុខរោងភាពយន្ត Major Cineplex ផ្សារទំនើប AEON II នៅថ្ងៃទី២៩-៣០ ខែធ្នូ ឆ្នាំ២០១៨ និងថ្ងៃទី៥-៦ ខែមករា ឆ្នាំ២០១៩ ផ្សារទំនើប AEON I នៅថ្ងៃទី១៩-២០ ខែមករា ឆ្នាំ២០១៩ និងផ្សារសូរិយា សេនធ័រ ភ័នធ៍ នៅថ្ងៃទី២៦-២៧ ខែមករា ឆ្នាំ២០១៩ ។
គួរបញ្ជាក់ថា សម្ព័ន្ធក្រុមហ៊ុន ចារើនភោគផាន់អាហារចំកាត់ (CPF) គឺជាសម្ព័ន្ធក្រុមហ៊ុនមួយ ដែលឈានមុខគេផ្នែកកសិឧស្សាហកម្ម និងចំណីអាហារដែលដំណើរការអាជីវកម្មជាលក្ខណៈបែបបណ្តាញបែកចែកសាខា និងបានដំណើរការអាជីវកម្មនៅ១៦ប្រទេសជុំវិញពិភពលោក ដែលមានការនាំចេញពីប្រទេសថៃទៅកាន់ប្រទេសផ្សេងៗជាង៣០ប្រទេស សម្រាប់ផ្តត់ផ្គង់ដល់អ្នកបរិភោគជាង៤ពាន់លានអ្នកជុំវិញពិភពលោក ៕ ដោយសហការ
ចែករំលែកព័តមាននេះ