បាត់ពី​ផ្ទះ​​មួយ​យប់​ ស្រាប់តែ​ឃើញ​ដេក​ស្លាប់​​លើ​វាល​ស្មៅ


ក្រុង​ប៉ោយ​ប៉ែត ៖ ​សព​បុរស​ម្នាក់ត្រូវ​គេ​ប្រទះឃើញ​​ស្លាប់​លើ​វា​ល​ស្មៅ​​ក្នុងភូមិ​ស្ទឹង​បត់ កាល​ពី​​វេលា​ម៉ៅង​៣​និង​៣០​នាទី​រសៀល​ថ្ងៃទី​៩ មករា ២០១២ ​​ក្រោយ​ពី​បាត់​ពី​ផ្ទះ​មួយ​យប់​​។ អ្នក​ស្រុក​​ក៏​ដូច​ជា​សមត្ថ​កិច្ច​អះអាង​ថា ​អា​ចមក​​ពីខ្យល់​គរ​ ព្រោះ​​បុរស​នេះ​ប្រមឹក​​ឥត​ឈប់​។

សព​​​​ឈ្មោះ​​ឈឿន ច​ត់ អាយុ​៤០​ឆ្នាំ ​គ្មាន​មុខ​របរ​​ពិត​ប្រាកដ​​ស្នាក់​នៅ​ជា​មួយ​ម្តាយ​មីង​ក្នុ​ងភូមិ​​កើត​ហេតុ ។ ​នគរបាល​​ក្រុង​ប៉ោយ​ប៉ែត​ ប្រាប់​ថា ​សព​នេះ​ត្រូវ​បាន​យោធា​សឹក​រង​ក្រុង​​ម្នាក់​ដែល​ប្រចាំ​ការ​​ក្បែរ​ចំណុច​នោះប្រទះ​ឃើញ​​ ខណៈ​​ទៅ​សប់​ទឹក​អណ្តូង​​ ​ហើយ​ក៏​​រាយ​ការណ៍​​បន្ត​ដល់​អាជ្ញា​​ធរ​ ។ តាម​​​ស្ត្រី​ឈ្មោះ​​ស្រី សឹុម ​អាយុ​៥០ឆ្នាំ ​ជា​ម្តាយ​​មីង​​របស់​សព​ប្រាប់​ថា ក្មួយ​របស់​គាត់​បាន​បាត់​​ពី​ផ្ទះ​មួយ​យប់​ហើយ​រក​មិន​ឃើញ​ លុះ​មាន​គេ​ទៅ​ប្រាប់​ថា មាន​សព​ម្នាក់​​ដេក​ស្លាប់​លើ​វាល​ស្មៅ​គាត់​មក​ពិនិត្យ​​​មើល ទើប​ដឹង​ថា ជា​ក្មួយ​របស់​​គាត់ ។ ស្ត្រី​ជា​ម្តាយ​​មីង​​សព​ប្រាប់​ថា ​ក្មួយ​របស់​គាត់​ជា​ជន​ពិកា ហើយ​​តែង​តែ​​ផឹក​ស្រា​ជា​​ប្រចាំ​​ទៀត​ផង ។

នគរបាល​​ជំនាញ​ប្រាប់​ថា យោង​តាម​ការ​សួរនាំ​ពី​ម្តាយ​មីង​​សព​ក៏ដូច​ជា​អ្នក​ស្រុក​ថា បុរស​រងគ្រោះ​​មុន​ស្លាប់​ជា​ជន​ប្រមឹក​ខួប​ ហើយ​ផ្អែក​លើ​ការ​ត្រួតពិនិត្យ​​រាង​កាយ​សព​ពុំ​មាន​ស្លាក​ស្នាម​​​​ទើប​គេ​សន្និ​ដ្ឋានថា ​ការស្លាប់​របស់​​បុរស​ខាង​លើ​​​អាចបណ្តាល​មកពីខ្យល់​គរ ៕           
                                    អរុណ

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ