រាជធានីភ្នំពេញ ៖ កាលពីវេលាម៉ោង៣និង៣០នាទីរសៀលថ្ងៃទី២៩ ខែធ្នូ ឆ្នាំ២០១៨ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ…
រាជធានីភ្នំពេញ ៖ កាលពីវេលាម៉ោង៣និង៣០នាទីរសៀលថ្ងៃទី២៩ ខែធ្នូ ឆ្នាំ២០១៨ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អធិការដ្ឋាន ប៉ុស្តិ៍ បានបើកការស្រាវជ្រាវបង្ក្រាបករណីជួញដូរដោយខុសច្បាប់នូវសារធាតុញៀន ស្ថិតនៅចំណុចផ្លូវរថភ្លើងក្តាន់ពីរ ក្រុម៣៩ ភូមិ៣ សង្កាត់ស្រះចក។
ក្នុងកិច្ចប្រតិបត្តិការចុះបង្ក្រាបខាងលើនេះ កំលាំងសមត្ថកិច្ចបានធ្វើការឃាត់ខ្លួនជនសង្ស័យម្នាក់ ឈ្មោះ សុខ ដារ៉ា ហៅរ៉ា ភេទប្រុស អាយុ២៦ឆ្នាំ មុខរបរមិនពិតប្រាកដ ស្នាក់នៅទីតាំងខាងលើ (ជាអ្នកជួញដូរគ្រឿងញៀន)។
ចំណែកវត្ថុតាងចាប់យករួមមាន ១-ម្សៅក្រាមពណ៌សថ្លាសង្ស័យជាគ្រឿងញៀនចំនួន២០កញ្ចប់(ក្នុងនោះមាន២កញ្ចប់ធំ និង១៨កញ្ចប់តូច) ២-ថង់សំរាប់ច្រកគ្រឿងញៀនមួយចំនួន ៣-ឧបករណ៍ប្រើប្រាស់មួយចំនួន និង៤-ពូថៅដែកចំនួន១។
កម្លាំងជំនាញខណ្ឌ ប៉ុសិ៍្ត កំពុងសាកសួរជនសង្ស័យដើម្បីបន្តការស្រាវជ្រាវរកបក្ខពួក និងក្រុមដទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចែករំលែកព័តមាននេះ