អ្នកបួសឃើញនូវកាមទាំងឡាយហាក់ដូចជាភ្លើងដែលកំពុងតែឆេះសព្វប្រាណហើយ ឃើញនូវជាតរូបហាក់ដូចជាគ្រឿងសស្ត្រាវុធ ឃើញហេតុនាំមកនូវទុក្ខ តាំងតែអំពីការចុះចាប់បដិសន្ធិក្នុងគភ៌ ឃើញនូវភ័យធំក្នុងនរកទាំងឡាយ ព្រោះតែឃើញនូវទុក្ខទោសទាំងនេះឯង ក៏បានដល់នូវសេចក្តីសង្វេគ ហើយស្វែងរកសេចក្តីសុខមិនងាកក្រោយ ។ អ្នកបួសបានបម្រើព្រះពុទ្ធសាសនាហើយ,…
អ្នកបួសឃើញនូវកាមទាំងឡាយហាក់ដូចជាភ្លើងដែលកំពុងតែឆេះសព្វប្រាណហើយ ឃើញនូវជាតរូបហាក់ដូចជាគ្រឿងសស្ត្រាវុធ ឃើញហេតុនាំមកនូវទុក្ខ តាំងតែអំពីការចុះចាប់បដិសន្ធិក្នុងគភ៌ ឃើញនូវភ័យធំក្នុងនរកទាំងឡាយ ព្រោះតែឃើញនូវទុក្ខទោសទាំងនេះឯង ក៏បានដល់នូវសេចក្តីសង្វេគ ហើយស្វែងរកសេចក្តីសុខមិនងាកក្រោយ ។
អ្នកបួសបានបម្រើព្រះពុទ្ធសាសនាហើយ, ភារៈដ៏ធ្ងន់គឺអ្នកបួសបានទ្រហើយ និងតណ្ហាជាគ្រឿងនាំសត្វទៅកាន់ភព អ្នកបួសបានដកចោលអស់ហើយដែរ ។ កុលបុត្របានចេញចាកផ្ទះ ចូលមកកាន់ផ្នួស ដើម្បីប្រយោជន៍ណា ប្រយោជន៍នោះ គឺការអស់ទៅនៃកិលេសជាគ្រឿងចងឆ្វាក់ចិត្តសត្វ អ្នកបួសបានកម្ចាត់ចោលអស់ហើយដែរ ។
កាលបើបព្វជិតពិចារណាឃើញនូវទោសនៃកាមបែបនេះហើយ ក៏ធ្វើឱ្យចិត្តដល់នូវក្តីសង្វេគ នឿយណាយក្នុងកាមតណ្ហា ក៏កម្ចាត់ចោលនូវសំយោជនៈឱ្យអស់ពីខន្ធសន្តាន លែងជាប់ជំពាក់នឹងតម្រេកតទៅទៀតហើយ ។
ចែករំលែកព័តមាននេះ