ប្រទេសឥណ្ឌូណេសីុ ៖ កាលពីព្រឹកថ្ងៃទី២៧ធ្នូឥណ្ឌូណេសិុីបានបង្កើនកម្រិតប្រកាសអាសន្ន ភ្នំភ្លើងដែលនាំឲ្យកើតស៊ូណាមីមហាប្រល័យកាលពីថ្ងៃទី២២ធ្នូ។ កម្រិតប្រកាសអាសន្ននាពេលនេះបានបង្កើនដល់កម្រិតខ្ពស់ទី២។
តំបន់ហាមឃាត់ជុំវិញភ្នំភ្លើងANAK KRAKATOA ត្រូវពង្រីកដល់៥គីឡូម៉ែត្រហើយប្រជាជនហាមមិនឲ្យទៅក្បែរឆ្នេរសមុទ្រ ខ្លាចមានរលកយក្សថ្មីវាយប្រហារកោះជ្វានិងកោះស៊ូម៉ាត្រា ។
លោកSUTOPO PURWO NUGRO HO អ្នកនាំពាក្យនៃទិីភ្នាក់ងារគ្រប់គ្រងគ្រោះមហន្តរាយជាតិថ្លែងថា មានគ្រោះថ្នាក់នៃការផ្ទុះខ្លាំងថ្មី។ មនុស្សម្នាអាចរងគ្រោះថ្នាក់ពីការជះថ្មក្ដៅ ការហូរកំអែរឬការជះផេះយ៉ាងក្រាស់។ ភ្នំភ្លើងនេះបានសម្លាប់មនុស្ស៤៣០នាក់ហើយ រួចមនុស្សជិត១៥០០នាក់រងរបួសចំណែកមនុស្ស១៥៩នាក់នៅតែបាត់ខ្លួន ។
ភ្នំភ្លើង ANAK KRAKATOA នៅតែជះពពកផេះនិងពពកផ្សែង ដែលបែបនេះញាំុងឲ្យការធ្វើដំណើរជុំវិញភ្នំភ្លើងនោះមានគ្រោះថ្នាក់។ ខ្យល់បាននាំផេះនិងខ្សាច់ទៅធ្លាក់រហូតដល់ទីក្រុងSERANG និង CILEGON លើកោះជ្វា ចម្ងាយជិត៩០គីឡូម៉ែត្រពីភ្នំភ្លើង ដែលបង្ខំប្រជាជនឲ្យពាក់ម៉ាស់ការពារនិងពាក់វ៉ែនតាពេលស្ថិតនៅក្រៅផ្ទះ។
នៅកោះជ្វានិងកោះស៊ូម៉ាត្រា បណ្ដាភូមិស្ថិតនៅជាប់មាត់ច្រកសមុទ្រSONDE ប្រជាជន
មានការភ័យខ្លាចដល់គ្រោះមហន្តរាយថ្មី ៕
ចែករំលែកព័តមាននេះ