ខេត្តតាកែវ ៖ កម្មករកម្មការីនីរោងចក្រកាត់ដេរ នៅស្រុកបាទីជិត២ពាន់នាក់ នាំគ្នាបាតុកម្មបិទផ្លូវជាតិលេខ២ រយៈពេល៣ថ្ងៃមកហើយ នៅតែមិនទាន់ទទួលបានដំណោះស្រាយអី្វឡើយពីអាជ្ញាធរ ខណៈដែលក្រុមកម្មករកម្មការីនីបានធ្វើការទាមទាររកប្រាក់អតីតភាពការងាររបស់ពួកគាត់ ពីថៅកែរោងចក្រសេឌូណូខេមបូ នីតធីង ដែលថៅកែរោងចក្រមិនព្រមបើកអោយក្រុមកម្មករ ។
រោងចក្រខាងលើ គឺជារោងចក្រកាត់ដេរសម្លៀកបំពាក់មានឈ្មោះថា សេឌូណូ ខេមបូនីតធីង ដែលមានទីតាំងឋិតនៅភូមិកណ្តឹងតូច ឃុំកណ្តឹង ស្រុកបាទី ខេត្តតាកែវ ដែលមានកម្មករបម្រើការងារក្នុងរោងចក្រចំនួន២៦៥០នាក់ ។
តំណាងអោយក្រុមកម្មកររោងចក្រសេឌូណូបាននិយាយប្រាប់ក្រុមអ្នកសារព័ត៌មានថា ពួកគាត់ជាក្រុមកម្មករោងចក្រឈរនៅទីនេះបិទផ្លូវជាតិលេខ២ គឺដើម្បីស្នើសុំអោយអាជ្ញាធរជួយរកដំណោះស្រាយអោយពួកគាត់ ខណៈដែលពួកគាត់បានធ្វើការទាមប្រាក់អតីតភាព តែថៅកែចិនមិនព្រមបើកអោយ ហើយការធ្វើការតវ៉ានេះដែរ គឺមានរយៈពេល៣ថ្ងៃមកហើយ នៅតែមិនទាន់ទទួលបានលទ្ធផលអ្វីដែលក្រុមកម្មករទទួលយកបាននៅឡើយទេ ហើយក្រុមកម្មករនៅតែប្រកាន់ជាគោលជំហរយ៉ាងរឹងមាំ នៅតែបន្តឈរបិទផ្លូវទាំងថ្ងៃក្តៅ ដើម្បីសុំអោយថៅកែរោងចក្រ បើកប្រាក់អតីតភាព មកអោយពួកគាត់ និងលក្ខខណ្ឌ៣ចំណុចផ្សេងទៀត ។
លោក ភួង ឈីម អភិបាលស្រុកបាទីបានអោយដឹងថា ការធ្វើការតវ៉ារបស់ក្រុមកម្មករខាងលើ គឺគិតមកដល់ថ្ងៃទី២៨ ខែធ្នូ នេះមានរយៈពេល៣ថ្ងៃមកហើយ ដែលក្រុមកម្មករបានធ្វើការតវ៉ាដោយឈរបិទផ្លូវជាតិលេខ២ ធ្វើអោយមានការរាំងស្ទះនៅការចរាចរណ៍យានយន្តធ្វើដំណើរឆ្លងកាត់ក្នុងការបិទផ្លូវខាងលើនេះដែរ អាជ្ញាធរខត្តដែលដឹកនាំដោយលោក ឈូរ សុធា អភិបាលរងខេត្តតាកែវបានស្នើសុំអោយក្រុមកម្មករធ្វើការបើកផ្លូវឡើងវិញ ដើម្បីអោយមានការចរាចរណ៍ឡើងវិញសម្រាប់យានយន្ត ហើយភាគីខាងកម្មករបានទទួលយកនៅសំណើនេះរួចក៏បាននាំគ្នាបើកផ្លូវឡើងវិញ ។
លោកអភិបាលស្រុកបានបន្តថា បន្ទប់ពីហៅតំណាងក្រុមកម្មកររោងចក្រចូលទៅស្តាប់ និងធ្វើការប្រជុំរកដំណោះស្រាយជាមួយ និងថៅកែរោងចក្រ គឺជាលទ្ធផលកម្មកររោងចក្រនៅតែមិនទាន់ទទួលយកនៅការសម្របសម្រួលខាងលើទើបធ្វើអោយមានការបិទផ្លូវជាបន្តទៀតពីពួកគាត់ ។ ហើយក្នុងករណីនេះដែរខាងកម្មករកម្មការីនីនៅពេលមានការតវ៉ាបែបនេះ ៕
លោកអភិបាលស្រុកបានបន្តថា បន្ទប់ពីហៅតំណាងក្រុមកម្មកររោងចក្រចូលទៅស្តាប់ និងធ្វើការប្រជុំរកដំណោះស្រាយជាមួយ និងថៅកែរោងចក្រ គឺជាលទ្ធផលកម្មកររោងចក្រនៅតែមិនទាន់ទទួលយកនៅការសម្របសម្រួលខាងលើទើបធ្វើអោយមានការបិទផ្លូវជាបន្តទៀតពីពួកគាត់ ។ ហើយក្នុងករណីនេះដែរខាងកម្មករកម្មការីនីនៅពេលមានការតវ៉ាបែបនេះ ៕
ចែករំលែកព័តមាននេះ