ខេត្តកោះកុង ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង០០និង១៥នាទី រំលងអធ្រាត្រថ្ងៃទី២៧ ឈានចូលថ្ងៃទី២៨ ខែធ្នូ ឆ្នាំ២០១៨ កម្លាំងទីស្នាក់ការសង្កេតការណ៍ទ្បាំដាំរបស់ទីបញ្ជាការជួរមុខអគ្គលេខាធិការដ្ឋាននៃគណៈកម្មាធិការជាតិសន្តិសុខលំហសមុទ្របានចេញល្បាត និងឃាត់ទូកនេសាទយួនមួយគ្រឿង ។
ដោយប្រើឧបករណ៍ឆក់ត្រីជាទ្រង់ទ្រាយធំ នៅក្នុងដែនសមុទ្រ ខេត្តកោះកុង និងឃាត់ខ្លួនបានជនជាតិវៀតណាមចំនួន១០នាក់ ទូក០១គ្រឿង ទុយោអុកស៊ីសែន១ដុំ និងម៉ាស៊ីនភ្លើងចំនួន១គ្រឿង ។ បន្ទាប់ពីឃាត់បានទូក និងជនបង្កបទល្មើសរួច កម្លាំងសមត្ថកិច្ចកងទ័ពជើងទឹកក៏បានកសាងសំណុំរឿងបញ្ជូនទៅអោយសមត្ថកិច្ចជលផល ។
បច្ចុប្បន្នវត្ថុតាង និងជនជាតិវៀតណាមចំនួន១០នាក់ នៅលើទូកត្រូវបានបញ្ជូនទៅលាសាដំបូងខេត្តហើយ នៅព្រឹកថ្ងៃទី២៩ ខែនេះ ៕
ចែករំលែកព័តមាននេះ