ខេត្តបន្ទាយមានជ័យ ៖ បទល្មើសព្រហ្មទណ្ឌកើតឡើងចំនួន៩លើក លើ៩លើក ស្មើ១០០% បណ្តាលឲ្យរបួស៤នាក់ ស្រី១នាក់ រងគ្រោះ៥នាក់ ស្រី១នាក់ ។…
ខេត្តបន្ទាយមានជ័យ ៖ បទល្មើសព្រហ្មទណ្ឌកើតឡើងចំនួន៩លើក លើ៩លើក ស្មើ១០០% បណ្តាលឲ្យរបួស៤នាក់ ស្រី១នាក់ រងគ្រោះ៥នាក់ ស្រី១នាក់ ។ ក្នុងនោះបទល្មើសឧក្រិដ្ឋកើតឡើងចំនួន៦លើក លើ៣លើក កើនឡើង៣លើក ស្មើ១០០% (រំលោភសេពសន្ថវៈ២លើក ប៉ុនប៉ងរំលោភ២លើក កើតមាននៅក្នុងស្រុក/ក្រុងចំនួន៣ គឺ ក្រុងប៉ោយប៉ែចំនួន៤លើក, ស្រុកម៉ាឡៃ១លើក, ក្រុងសិរីសោភ័ណ១លើក)។
បទល្មើសមជ្ឈឹមថយចុះចំនួន៣លើក, ស្មើ៥០% (ហិង្សាដោយចេតនា២លើក,បំពានខាងផ្លូវភេទចំនួន១លើក កើតឡើងលើ ស្រុក-ក្រុងចំនួន២ គឺប៉ោយប៉ែត២លើក និងក្រុងសិរីសោភ័ណ១លើក)។
បទល្មើសគ្រឿងញៀនខុសច្បាប់ ចេញបង្ក្រាបចំនួន២១លើ៣២លើក ស្មើ៣៥% ឃាត់ខ្លួន៥១នាក់ ស្រី៥នាក់ ក្នុងនោះ ករណីជួញដូរចំនួន១៣ករណី ជនសង្ស័យចំនួន៣៦នាក់ ស្រី៣នាក់, ករណីប្រើប្រាស់ចំនួន៨ករណី ជនសង្ស័យ១៥នាក់ ស្រី២នាក់ ដកហូតបានវត្ថុតាង ថ្នាំប្រភេទមេតំហ្វេតាមីនទម្ងន់១៨៩.២៧ក្រាម, ថ្នាំប្រភេទមេតំហ្វេតាមីនអាយស៍ទម្ងន់៤០.៥៤ក្រាម។ ប្រាក់ខ្មែរ១៣២ពាន់រៀល,ប្រាក់ថៃចំនួន៧៣៩បាត,ប្រាក់ដុល្លា១០ដុល្លា,ម៉ូតូ០៣គ្រឿង,ទូរស័ព្ទដៃ២៨ គ្រឿងនិងសម្ភារៈវេចខ្ខចប់មួយចំនួនទៀត។
នេះបើយោងតាមរបាយការណ៍របស់ស្នងការដ្ឋាននគរបាលខេត្ត បន្ទាយនមានជ័យ ដែលបានលើកឡើង ក្នុងកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែធ្នូ នៅរសៀលថ្ងៃទី២៧ ខែធ្នូ ឆ្នាំ ២០១៨ ប្រព្រឹត្តទៅក្រោមអធិបតីភាព លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ដែលមានអស់លោក លោកស្រី ជាឧត្តមសេនីយ៍ វរសេនីយ៍ អនុសេនីយ៍ ជាស្នងការរង នាយ នាយរងការិយាល័យ លោកអធិការនគរបាល គ្រប់ ស្រុក ក្រុង លោកមេបញ្ជាការវរសេនាតូចការពារព្រំដែនគោកទាំង៤ លោកនាយប៉ុស្តិ ឃុំ សង្កាត់ទាំង៦៥ ។
ថ្លែងនាឱកាសនោះ លោកឧត្តមសេនីយ៍ទោ អាត់ ខែម ស្នងការនគរបាលខេត្ត បានក្រើនរំលឹក ដល់នគរបាលប៉ុស្តិ៍រដ្ឋបាលទាំងអស់ បន្តចុះផ្សព្វផ្សាយពីគោលនយោបាយភូមិ-ឃុំ មានសុវត្ថិភាព និងចុះធ្វើវេទិកាសាធារណៈ ដល់ប្រជាពលរដ្ឋនៅក្នុងមូលដ្ឋាន ដើម្បីគាត់ចូលរួមទប់ស្កាត់ នូវបទល្មើស ដូចជាបញ្ហាគ្រឿងញៀន ច្បាប់ចរាចរណ៍ ពីសេសគឺ ចូលរួមអនុវត្ត នូវគោលនយោបាយ ភូមិ ឃុំ មានសុវត្ថិភាព ទាំង៩ចំណុច ។
ជាមួយគ្នានោះដែរលោកឧត្តមសេនីយ៍ទោ ស្នងការ បានផ្តាំផ្ញើដល់កម្លាំងនគរបាលទាំងអស់ ត្រូវខិតខំ ប្រឹងប្រែងអស់ស្មារតី ក្នុងភារកិច្ចជាអ្នកបំរើសេវាសន្តិសុខជាតិ បំរើប្រជាពលរដ្ឋ និងជួយប្រជាពលរដ្ឋ ជួបការលំបាក ត្រូវការឲ្យយើងជួយ ។ ជាងនេះត្រូវមានសាមគ្គីភាពផ្ទៃក្នុង មានកិច្ចសហប្រតិបត្តិការល្អជាមួយអាជ្ញាធរ និងសមត្ថកិច្ចពាក់ព័ន្ធ ៕
ចែករំលែកព័តមាននេះ