ខេត្តកំពង់ឆ្នាំង ៖ ដោយសារមានការភាន់ច្រឡំលើបញ្ហាព្រំប្រទល់ដីរវាងឃុំក្រាំងស្គារ ស្រុកទឹកផុស និងឃុំបន្ទាយព្រាល ស្រុករលាប្អៀរ ទើបធ្វើឲ្យមានការប្ដឹងផ្ដល់គ្នាទៅកាន់ស្នងការដ្ឋាននគរបាលខេត្ត ហើយ នៅព្រឹកថ្ងៃទី២៧ ខែធ្នូ…
ខេត្តកំពង់ឆ្នាំង ៖ ដោយសារមានការភាន់ច្រឡំលើបញ្ហាព្រំប្រទល់ដីរវាងឃុំក្រាំងស្គារ ស្រុកទឹកផុស និងឃុំបន្ទាយព្រាល ស្រុករលាប្អៀរ ទើបធ្វើឲ្យមានការប្ដឹងផ្ដល់គ្នាទៅកាន់ស្នងការដ្ឋាននគរបាលខេត្ត ហើយ នៅព្រឹកថ្ងៃទី២៧ ខែធ្នូ ឆ្នាំ២០១៨ ភាគីរងការចោទប្រកាន់ ពីភាគីម្ខាងទៀតជាអ្នកប្តឹង បាននាំប្រជាពលរដ្ឋ និងអតីតមេភូមិចាស់ បានទៅបញ្ជាក់ទីតាំងព្រំប្រទល់ដីឱ្យបានច្បាស់លាស់ និងបានសំណូមពរដល់ មន្ត្រី ជំនាញ សូមមេត្តា ចុះមកទីតាំងកន្លែងកើតហេតុដើម្បីកំណត់ព្រុំប្រទល់កុំអោយមានការយល់ច្រឡំទៀត។
លោក យ៉ុង យ៉ន អតីតមេភូមិទួលសំរោង ឃុំក្រាំងស្គា ស្រុកទឹកផុស បានបញ្ជាក់ថា ចាប់ពីត្រឹមភ្លឺស្រែធំ ដែលកំពុងតែផ្ដល់សម្ភាសន៍នេះទៅប៉ែកខាងលិចគឺជាដីរបស់ភូមិទួលសំរោង ឃុំក្រាំងស្គារ ស្រុកទឹកផុស ។ ចំណែកពីត្រឹមភ្លឺស្រែទៅកើតជាដីរបស់ភូមិបន្ទាយព្រាល ឃុំបន្ទាយព្រាល ស្រុករលាប្អៀរ ។លោកបដិសេធថា ពីត្រឹមភ្លឺស្រែក្រវ៉ាត់ព្រុំទៅលិចមិនមែនជាដីរបស់ស្រុករលាប្អៀរនោះទេ ។
ជាមួយគ្នានោះលោក តាំង លី ជាបងរបស់ ឈ្មោះ កុយ សុវណ្ណារ៉ា បាននិយាយដែរថា ដោយសារតែមានការយល់ច្រឡំបែបនេះហើយទើបថ្មីៗនេះលោកជំទាវ សំ មុន្នីកា បានដាក់គ្រឿងចក្រឈូសក្រវាត់ព្រំចូលដីប្អូនរបស់គាត់ឈ្មោះកុយ សុវណ្ណារ៉ា ដែលមានបណ្តោយជាង២០០ម៉ែត្រ និងទទឹងជាង៥០ម៉ែត្រ នៅពេលធ្វើសកម្មភាពនោះម្ចាស់ដីដឹងទាន់ក៏ធ្វើការឃាត់គ្រឿងចក្រនោះកុំឲ្យឈូសឆាយបន្តទៀតដើម្បីរកដំណោះស្រាយឲ្យបានច្បាស់លាស់សិន ។
ចុងក្រោយពួកគាត់បានសំណូមពរដល់ អាជ្ញាធរពិសេសមន្ត្រីជំនាញសូមចុះមកពិនិត្យ ចុច និយាមកាម កំណត់ព្រំប្រទល់អោយបានច្បាស់លាស់ កុំអោយមានការយល់ច្រឡំ បណ្តាលអោយ មានការ ប្តឹងគ្នាបែបនេះ ៕
ចែករំលែកព័តមាននេះ