ខេត្តមណ្ឌលគិរី ៖ ពិធីប្រកាសគណៈកម្មាធិកាជំរឿនប្រជាជនថ្នាក់ខេត្ត ក្រុង ស្រុក និងផ្សព្វផ្សាយ ផែនការសកម្ម ភាពទូទៅប្រជាជននៅព្រះរាជាណាចក្រកម្ពុជាឆ្នាំ២០១៩ ដែលប្រព្រឹត្តទៅនៅ សាលប្រជុំអគារក្រុមប្រឹក្សា…
ខេត្តមណ្ឌលគិរី ៖ ពិធីប្រកាសគណៈកម្មាធិកាជំរឿនប្រជាជនថ្នាក់ខេត្ត ក្រុង ស្រុក និងផ្សព្វផ្សាយ ផែនការសកម្ម ភាពទូទៅប្រជាជននៅព្រះរាជាណាចក្រកម្ពុជាឆ្នាំ២០១៩ ដែលប្រព្រឹត្តទៅនៅ សាលប្រជុំអគារក្រុមប្រឹក្សា ខេត្តមណ្ឌលគិរី នាព្រឹកថ្ងៃទី២៧ ខែធ្នូ ឆ្នាំ២០១៨។
លោកជំទាវ ហង្ស លីណា ទទួលបន្ទុកអគ្គនាយកវិទ្យាស្ថានជាតិស្ថិតិនៃក្រសួងផែនការបានមានប្រសាសន៍ ប្រជាជនកម្ពុជាបានដំណើរការក្នុងធ្វើជំរឿនរយៈពេល៣លើកកន្លងមកហើយក្នុងឆ្នាំ១៩៦២ ហើយត្រូវបានអាក់ខាន រយៈពេល៣៦ឆ្នាំដែលបណ្តាលមកពីភាពច្របូកច្របល់នៃសង្គ្រាមអសន្តិសុខ សង្គមនៅក្នុងប្រទេសកម្ពុជា និងលើកទី២ក្នុងឆ្នាំ១៩៩៨ និងលើកទី៣ ឆ្នាំ២០០៨ ក្នុងនោះមានការ ឧបត្ថម្ភថវិកាពីបារាំង ។
លោកជំទាវបន្ថែមថា ដោយឡែកក្នុងឆ្នាំ២០១៩នេះជាលើកទី១ ហើយដែលប្រើប្រាស់ថវិកាជាតិក្នុងការ ធ្វើជំរឿននេះ ហើយការធ្វើជំរឿនទូទៅប្រជាជន គឺស្របតាមច្បាប់គោលការណ៍អន្តរជាតិមានរយៈពេល១០ឆ្នាំម្តង សម្រាប់ប្រទេសកំពុងអភិវឌ្ឍន៍ និងប្រទេសអភិវឌ្ឍមានរយៈពេល៥ឆ្នាំម្តង ។ ដូច្នេះលោកជំទាវ បានណែនាំ និងជម្រុញដល់គណៈកម្មាធិការជំរឿននៅថ្នាក់ខេត្តក្រុងស្រុកឃុំសង្កាត់ត្រូវចូលរួមសហការ ជាមួយមន្ទីរអង្គភាពជំនាញត្រូវធ្វើយ៉ាងណាយកចិត្តទុកដាក់បំពេញការងារឱ្យទាន់ពេលវេលាតាមផែនការសកម្មភាពដែលបានគ្រោង ដើម្បីទទួលបានជោគជ័យប្រកបដោយគុណភាពខ្ពស់ ។
លោក ចឹង សុចន្ថា អភិបាលរងខេត្តបានបញ្ជាក់ថា ជំរឿនប្រជាជនឆ្នាំ២០១៩នេះពិតជាមានសារៈសំខាន់ ហើយក៏ជាព្រឹត្តិការណ៍ជាតិ មានកាលបរិច្ឆេទត្រូវធ្វើជំរឿនច្បាស់លាស់ ស្របតាមច្បាប់ និងអនុក្រិត្យស្តីពី ជំរឿន ។ លោកបន្ថែមថា ជំរឿន គឺជាការងារដ៏ធំដែលត្រូវអនុវត្តការងារជំរឿនទូទៅប្រជាជនខេត្តមណ្ឌលគិរី ត្រូវប្រើប្រាស់មធ្យោបាយសរុបធនធានសរុបដែលយើងមាន ។
ទទឹមនឹងប្រើប្រាស់មន្ត្រីជំនាញនៃមន្ទីរផែនការខេត្តសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងជាប្រធានគណៈកម្មាធិការជំរឿនជាតិបានដាក់ផែនការឱ្យស្នងការនគរបាល រាជធានី ខេត្តប្រើប្រាស់កម្លាំងប៉ុស្តិ៍រដ្ឋបាលចូលរួមធ្វើជាមន្ត្រីត្រួតពិនិត្យ ឫមន្ត្រីសម្ភាសន៍នៅក្នុងមូលដ្ឋានរបស់ខ្លួន និងធ្វើការជ្រើសរើសមន្ត្រីមួយចំនួនទៀត ដែលមានសមត្ថភាព បទពិសោធន៍ការងារជំរឿន អង្កេតផ្សេងៗទៀត ៕
ចែករំលែកព័តមាននេះ