ខេត្តព្រះវិហារ ៖ យ៉ាងហោចណាស់ ក្រុមឧក្រិដ្ឋជន៥នាក់ ត្រូវបានសមត្ថកិច្ចនៃស្នងការដ្ឋាននគរបាលខេត្ត កន្ទ្រប់ចាប់ខ្លួនបានកាលពីថ្ងៃទី២៥ ធ្នូ ដោយសហការជាមួយកម្លាំងនគរបាល នៃនាយកដ្ឋានសន្តិសុខផ្ទៃក្នុង បានឃាត់ខ្លួនជនសង្ស័យពាក់ព័ន្ធ…
ខេត្តព្រះវិហារ ៖ យ៉ាងហោចណាស់ ក្រុមឧក្រិដ្ឋជន៥នាក់ ត្រូវបានសមត្ថកិច្ចនៃស្នងការដ្ឋាននគរបាលខេត្ត កន្ទ្រប់ចាប់ខ្លួនបានកាលពីថ្ងៃទី២៥ ធ្នូ ដោយសហការជាមួយកម្លាំងនគរបាល នៃនាយកដ្ឋានសន្តិសុខផ្ទៃក្នុង បានឃាត់ខ្លួនជនសង្ស័យពាក់ព័ន្ធ ករណីចាប់បង្ខាំងស្ដ្រីជនជាតិថៃ២នាក់ ជំរិតទារប្រាក់នៅក្នុងភូមិស្រអែមជើង ឃុំស្រអែម ស្រុកជាំក្សាន្ត ។
លោកឧត្តមសេនីយ៍ទោ យិន ចំណាន ស្នងការនគរបាលខេត្តបានឲ្យដឹងពីករណីជំរិតទារប្រាក់នេះថា កាលពីថ្ងៃទី២៣ ធ្នូ ស្ត្រីរងគ្រោះជនជាតិថៃទាំង២នាក់ បានធ្វើដំណើរតាមយន្តហោះពីទីក្រុងបាងកក មកចុះនៅព្រលានយន្តហោះខេត្តសៀមរាប ។ ក្រោយស្ត្រីរងគ្រោះចុះពីលើយន្តហោះ ក៏មានរ៉ឺម៉កម៉ូតូដឹកចេញពីព្រលានយន្តហោះ ដោយមានរថយន្តមួយគ្រឿងចាំទទួលនាំមកទីតាំងកើតហេតុ នៅភូមិស្រអែមជើង ឃុំស្រអែម ស្រុកជាំក្សាន្តតែម្តង ។
ក្រោយមកក្រុមឧក្រិដ្ឋជនទាំង៥នាក់នេះបានបង្ខំឲ្យស្ត្រីចំណាប់ខ្មាំង ជាជនជាតិថៃទាំង២នាក់ទូរស័ព្ទទៅក្រុមគ្រួសារ នៅប្រទេសថៃឲ្យផ្ទេរប្រាក់ជាថ្នូរនៃការដោះលែង ។ បន្ទាប់ពីស្ត្រីជនជាតិថៃទាំង២នាក់នេះ ទូរស័ព្ទទៅប្រាប់ក្រុមគ្រួសារនិងផ្ញើរូបភាពទៅឲ្យក្រុមគ្រួសារមើលក្រុមគ្រួសារនៅឯប្រទេសថៃ ក៏ប្តឹងមកស្ថានទូតថៃប្រចាំនៅកម្ពុជា ហើយស្ថានទូតថៃប្តឹងបន្តមកអគ្គស្នងការនគរបាលជាតិ ទើបបំបែកបានសំណុំរឿងចាប់ជំរិតនេះ ។
បច្ចុប្បន្ន ជនសង្ស័យទាំង៥នាក់ រួមនិងវត្ថុតាង ត្រូវបានបញ្ជូនមកកាន់រាជធានីភ្នំពេញ ដើម្បីចាត់ការបន្តទៅតាមនីតិវិធីច្បាប់ ។ ដោយឡែកនារីរងគ្រោះជាជនជាតិថៃ ក៏ត្រូវបានបញ្ជូនខ្លួនមកកាន់រាជធានីភ្នំពេញផងដែរ ។ សមត្ថកិច្ចមិនបានឲ្យដឹងលម្អិតនៅឡើយទេថាតើមូលហេតុអ្វីខ្លះបានជាស្ត្រីថៃទាំង២ធ្លាក់ខ្លួនជាចំណាប់ខ្មាំងរបស់ក្រុមឧក្រិដ្ឋជនទាំងនេះ ។ ដោយឡែកអត្តសញ្ញាណពួកឧក្រិដ្ឋជនទាំង៥នាក់ក៏មិនត្រូវ
បានឲ្យដឹងនៅឡើយដែរ ៕
ចែករំលែកព័តមាននេះ