រាជធានីភ្នំពេញ ៖ សេចក្តីរាយការណ៍ឱ្យដឹងថា ជនសង្ស័យ២នាក់ធ្វើសកម្មភាពឡើងទៅគាស់បន្ទប់ជួលរបស់កម្មកររោងចក្រ ប៉ងលួចទ្រព្យសម្បត្តិ ប៉ុន្តែត្រូវបានអ្នកមើលការបន្ទប់ជួលឃើញទាន់បានស្រែក និងដេញចាប់ ធ្វើឱ្យជនសង្ស័យភ័យស្លន់រត់ឆ្លងពីភូមិមួយទៅភូមិមួយរហូតធ្លាក់បឹងកំប្លោក ហើយត្រូវពលរដ្ឋរួមនិងនគរបាលចាប់បានម្នាក់វាយទ្រម ខ្លួនចំណែកម្នាក់ទៀត…
រាជធានីភ្នំពេញ ៖ សេចក្តីរាយការណ៍ឱ្យដឹងថា ជនសង្ស័យ២នាក់ធ្វើសកម្មភាពឡើងទៅគាស់បន្ទប់ជួលរបស់កម្មកររោងចក្រ ប៉ងលួចទ្រព្យសម្បត្តិ ប៉ុន្តែត្រូវបានអ្នកមើលការបន្ទប់ជួលឃើញទាន់បានស្រែក និងដេញចាប់ ធ្វើឱ្យជនសង្ស័យភ័យស្លន់រត់ឆ្លងពីភូមិមួយទៅភូមិមួយរហូតធ្លាក់បឹងកំប្លោក ហើយត្រូវពលរដ្ឋរួមនិងនគរបាលចាប់បានម្នាក់វាយទ្រម ខ្លួនចំណែកម្នាក់ទៀត រត់រួចបាត់ស្រមោល ។
ហេតុការណ៍នេះ បានបង្កការភ្ញាក់ផ្អើលកាលពីវេលាម៉ោង១០ និង៣០នាទីព្រឹកថ្ងៃទី២៧ ធ្នូ នេះ នៅចំណុចបន្ទប់ជួល៣ជាន់ ក្នុងភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យខាងលើ ឈ្មោះ រិទ្ធ សំណាង អាយុ២២ឆ្នាំ មុខរបរមិនពិត ស្នាក់នៅផ្ទះជួល ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ ។ ជិះម៉ូតូ១គ្រឿង ម៉ាកយ៉ាម៉ាហាស៊ីរ៉ូស ពណ៌.ស ពាក់ស្លាកលេខភ្នំពេញ1CA-2727 រីឯបក្សពួកម្នាក់ទៀ តគេចខ្លួនបាត់មិនត្រូវបានស្គាល់ឈ្មោះឡើយ។
ប្រភពបន្តថា ខណៈជនសង្ស័យម្នាក់ បានគេចបាត់នៅសល់ម្នាក់លោត ចូលក្នុងបឹងកំប្លោកទឹកស្អុយ បាត់មួយសន្ទុះ ទើបប្រជាពលរដ្ឋនិងនគរបាលរកឃើញចាប់ខ្លួនបាន។
ចែករំលែកព័តមាននេះ