ខេត្តបន្ទាយមានជ័យ ៖ រថយន្តម៉ាកអូឌីមីនីស៊េរីទំនើបមួយគ្រឿងបានបុកជាមួយគោយន្តកន្ត្រៃដឹកស្រូវ បណ្តាលឱ្យរងការខូចខាតទាំងពីរគ្រឿងធ្ងន់ធ្ងរ និងបណ្តាលរងរបួសធ្ងន់ស្រាល២នាក់ដែលហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២៥ ខែធ្នូ ឆ្នាំ២០១៨ តាមបណ្តោយផ្លូវជាតិលេខ៥ ស្ថិតភូមិ-ឃុំសំរោង ស្រុកអូរជ្រៅ។…
ខេត្តបន្ទាយមានជ័យ ៖ រថយន្តម៉ាកអូឌីមីនីស៊េរីទំនើបមួយគ្រឿងបានបុកជាមួយគោយន្តកន្ត្រៃដឹកស្រូវ បណ្តាលឱ្យរងការខូចខាតទាំងពីរគ្រឿងធ្ងន់ធ្ងរ និងបណ្តាលរងរបួសធ្ងន់ស្រាល២នាក់ដែលហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី២៥ ខែធ្នូ ឆ្នាំ២០១៨ តាមបណ្តោយផ្លូវជាតិលេខ៥ ស្ថិតភូមិ-ឃុំសំរោង ស្រុកអូរជ្រៅ។
មន្ត្រីនគរបាលចរាចរណ៍ជើងគោកខេត្តបន្ទាយមានជ័យបានអោយដឹងថា នៅពេលគ្រោះចរាចរណ៍កើតឡើង គេឃើញមានគោយយន្តកន្ត្រៃប្រមាណ២គ្រឿងមានដឹកបាវស្រូវពេញបើកបរក្នុងទឹសដៅពីកើតទៅលិចគ្មានដាក់ចំណាំងផ្លាត និងភ្លើងបំភ្លឺ ធ្វើដំណើរតាមផ្លូវ ហើយក៏មានរថយន្តមួយគ្រឿងម៉ាកអូឌី (មីនី) ស៊េរីទំនើប ដែលបើកបរក្នុងទិសដៅស្របគ្នាពីកើតទៅលិចក្នុងល្បឿនលឿនបានបុកគោយន្តកន្ត្រៃមួយគ្រឿង បណ្តាលឱ្យក្រឡាប់ផ្ងារជើង និងជ្រុះបាវស្រូវ និងធ្វើឱ្យអ្នកបើកបរគោយន្តម្នាក់រងរបួសធ្ងន់ ហើយរថយន្តបានរងការខូចខាតមួយចំហៀងខាងស្តាំស្ទើរទាំងស្រុង និងបណ្តាលឱ្យរងរបួសអ្នករួមដំណើរម្នាក់ដែលជិះក្នុងរថយន្ត ។
មន្ត្រីនគរបាលចរាចរណ៍បានបញ្ជាក់ថា ក្រោយពេលគ្រោះថ្នាក់ចរាចរណ៍កើតឡើងមន្ត្រីនគរបាលចរា
ចរណ៍ជើងគោកបានចុះទៅពិនិត្យវាស់វែងឃើញថា គ្រោះថ្នាក់ចរាចរណ៍កើតឡើងបង្កដោយគោយន្តកន្ត្រៃដែលបើកបរពេលយប់គ្មានដាក់ភ្លើងបំភ្លឺ និងចំណាំងប្លាត ទើបបណ្តាលឱ្យរថយន្តដែលបើកបរក្នុងល្បឿនលឿន ដោយគ្មានការប្រុងប្រយ័ត្នបានបុកជាមួយគោយន្តកន្ត្រៃពេញទំហឹង បណ្តាលឱ្យរងរបួស២នាក់ ហើយត្រូវបានគេបញ្ជូនទៅសង្គ្រោះបន្ទាន់ ។
ក្រោយពេលកើតហេតុ សមត្ថកិច្ចបានចុះធ្វើការពេលវាស់វែង ហើយបានយករថយន្ត និងគោយន្តកន្ត្រៃទៅស្នងការនគរបាលខេត្តដើម្បីអនុវត្តន៍តាមច្បាប់ ៕
ចែករំលែកព័តមាននេះ