ខេត្តសៀមរាប ៖ នារសៀលថ្ងៃទី២៦ ខែធ្នូ ឆ្នាំ២០១៨ នៅសាលប្រជុំស្នងការដ្ឋាននគរបាលខេត្តសៀមរាបបានរៀបចំពិធីបិទសវនកម្មផ្ទៃក្នុងសម្រាប់កាលបរិច្ឆេទ២០១៧ និងឆ្នាំពាក់ព័ន្ធតាមបណ្តាអធិការដ្ឋាននគរបាលក្រុង ស្រុក និង ប៉ុស្តិ៍នគរបាលរដ្ឋបាល ក្រោមអធិបតីភាពលោកឧត្តមសេនីយ៏ឯក សៀន សុវណ្ណា អគ្គនាយករងនៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ, លោកឧត្តមសេនីយ៍ត្រី តូចសាកលស្នងការរងនគរបាលខេត្ត និង ជាតំណាងដ៍ខ្ពង់ខ្ពស់ លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្ត និង ដោយមានការអញ្ជើញចូលរួម អស់លោកឧត្តមសេនីយ៏ត្រី ស្នងការរង នគរបាលខេត្ត ប្រតិភូអមដំណើរក្រុមការងារសវនកម្មក្រសួងនិងបណា្តអស់លោកនាយនាយរងការិយាល័យជំនាញលោកអធិការអធិការរងនិងនាយប៉ុស្តិនគរបាលរដ្ឋបាលតាមបណា្តក្រុងស្រុកចូលរួមផងដែរ ។
មានប្រសាសន៍សំណេះសំណាលក្នុងពិធីបិទសវនកម្មផ្ទៃក្នុងនាពេលនោះលោកឧត្តមសេនីយ៏ឯក សៀន សុវណ្ណា អគ្គនាយករងនៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ បានមានប្រសាសន៍បូកសរុបនិងសំណេះសំណាល ដោយបានគូសបញ្ជាក់ថា ជំនួសមុខឲ្យលោកនាយឧត្តមសេនីយ៏ ធឹម សុផា អគ្គនាយកនៃអគ្គនាយកដ្ឋានសវនកម្មផ្ទៃក្នុង សូមផ្ដាំផ្ញើសាកសួរសុខទុក្ខថ្នាក់ដឹកនាំ និង កងកម្លាំងនគរបាលទាំងអស់និងក៏សូមសម្ដែងនូវការកោតសរសើរចំពោះកងកម្លាំងនិងថ្នាក់ដឹកនាំនៃស្នងការដ្ឋានទាំងអស់ដែលបានយកចិត្តទុកដាក់ក្នុងភារកិច្ចជំនាញរបស់ខ្លួនក្នុងការថែរក្សាសន្តិសុខសុវត្ថិភាពជូនប្រជាពលរដ្ឋពិសេសក៏សូមកោតសរសើរផងដែរចំពោះការយកចិត្តទុកដាក់សហការល្អធ្វើឲ្យកិច្ចដំណើរការការងារសវនកម្មដំណើរការបានល្អនាពេលនេះ ។
លោកបានមានប្រសាសន៍បន្ថែមទៀតថា៖អគ្គនាយកដ្ឋានសវនកម្មផ្ទៃក្នងគឺជាសេនាធិការផ្ទាល់ឲ្យក្រសួងមហាផ្ទៃក្នុងគោលដៅតម្រង់ទិសឆ្ពោះទៅរកការអភិវឌ្ឍន៍ឲ្យមានភាពសុក្រិត្យត្រឹមត្រូវក្នុងការងារគ្រប់គ្រងដឹកនាំកងកម្លាំងអំពីការងារគ្រប់គ្រងចាត់ចែងកញ្ចប់ថវិកាការគ្រប់គ្រងចាត់ចែងប្រេងឥន្ធន:សម្ភារបរិក្ខាផ្សេងៗដែលជាគោលរបបរបស់ក្រសួងមហាផ្ទៃនិងអំពីការគ្រប់គ្រងប្រើប្រាស់ថែរក្សាទ្រព្យសម្បត្តិរដ្ឋឲ្យបានត្រឹមត្រូវនូវលិខិតបទដ្ឋានគតិយុត្តការធ្វើសវនកម្មគឺជាការពង្រឹងប្រសិទ្ធភាពស្ថាប័នហើយការដឹកនាំជំនាញរបស់ស្ថាប័ននីមួយៗក៍ត្រូវមានការត្រួតពិនិត្យដូចនេះការធ្វើសវនកម្មគឺជាការប្រមែប្រមូលនូវរបាយការណ៍លទ្ធផលនិងទិន្នន័យអវិជ្ជមានយកមកកែលម្អរដើម្បីដាក់ចេញនូវទិសដៅផែនការសំរាប់អនុវត្តបន្តឲ្យបានត្រឹមត្រូវទៅតាមលិខិតបទដ្ឋានគតិយុត្តនឹងឈានទៅសម្រេចជោគជ័យបានល្អប្រសើរផងដែរ ៕
ចែករំលែកព័តមាននេះ