ខេត្តកណ្តាល ៖ បុរសម្នាក់សង្ស័យស្រវឹងស្រាបានលង់ទឹកស្រះស្លាប់ ខណៈដែលប្រជាពលរដ្ឋប្រទះឃើញហេតុការណ៍នេះបានកើតឡើង នៅថ្ងៃទី២៧ ខែធ្នូ ឆ្នាំ២០១៨ អ្នកភូមិបានប្រទះឃើញសពបុរសម្នាក់ នៅវេលាម៉ោង២២និង៣៥នាទី ក្រោយផ្ទះ…
ខេត្តកណ្តាល ៖ បុរសម្នាក់សង្ស័យស្រវឹងស្រាបានលង់ទឹកស្រះស្លាប់ ខណៈដែលប្រជាពលរដ្ឋប្រទះឃើញហេតុការណ៍នេះបានកើតឡើង នៅថ្ងៃទី២៧ ខែធ្នូ ឆ្នាំ២០១៨ អ្នកភូមិបានប្រទះឃើញសពបុរសម្នាក់ នៅវេលាម៉ោង២២និង៣៥នាទី ក្រោយផ្ទះ នៅភូមិព្រែកចារ ឃុំសំបួរ ស្រុកល្វាឯម ខេត្តកណ្តាល ។
ជនរងគ្រោះឈ្មោះ សឺន ភឿន ភេទប្រុស អាយុ៤២ឆ្នាំ សញ្ជតិខ្មែរ មុខរបរកសិករមានទីលំនៅសព្វថ្ងៃភូមិព្រែកចារ ឃុំសំបួរ ស្រុកល្វឯម ខេត្តកណ្ដាល ។ សមត្ថកិច្ចបន្តថា នៅយប់ថ្ងៃទី២៦ ខែធ្នូ ឆ្នាំ២០១៨ វេលាម៉ោងប្រហែល១៩និង០០យប់ឈ្មោះ សឺន ភឿន ស្រវឹងស្រា ដើរចេញពីផ្ទះមិនឃើញមកផ្ទះវិញ បងឈ្មោះ សឺន សាន និងបងប្អូនបានដើររកតែរកមិនឃើញ លុះដល់ម៉ោង៥និង២០នាទីព្រឹកថ្ងៃទី២៧ ខែធ្នូ ២០១៨ ស្រាប់តែឃើញឈ្មោះ សឺន ភឿន ដួលផ្កាប់មុខ នៅក្រោយផ្ទះឈ្មោះ ភាព ជិតផ្ទះរបស់ខ្លួនដោយក្បាលជ្រមុជចូលទៅក្នុងទឹក មានភក់ត្រឹមស្មងជើងស្លាប់ទៅហើយ បន្ទាប់ពីរកសពឃើញក៏បានរាយការណ៍មកលោកមេភូមិ និងសមត្ថកិច្ច ។
តាមការបំភ្លឺរបស់ឈ្មោះ សឺន សាន ត្រូវជាបងបង្កើតបានបញ្ជាក់ថា ជនរងគ្រោះជាមនុស្ស ស្រវឹងស្រាប្រចាំថ្ងៃមិនដែលខានមួយថ្ងៃណា ។ ហើយមិនដែលបានហូបបាយប្រហែល៧ថ្ងៃ ហើយ (ផឹកតែស្រា) ។
កម្លាំងនគរបាលប៉ុស្តិ៍សំបួរកម្លាំងផ្នែកជំនាញលោកមេឃុំពេទ្យមណ្ឌលសុខភាពសំបួរ លោកមេភូមិ បានពិនិត្យសព ហើយការពិនិត្យសពនេះឃើញថា ពិតជាស្លាប់ដោយខ្យល់គពិតប្រាកដមែន ។ សាកសពជនរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ