ខេត្តបន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា មុននេះបន្តិចមានករណីគ្រោះថ្នាក់ចរាចរណ៍មួយកើតឡើងលើដងផ្លូវជាតិលេខ៥ មុខស្ថានីយ ដឹកអ្នកដំណើរអន្តរជាតិស៊ីជីង ស្ថិតភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ដែលរថយន្តធំដឹកដំឡូងមីស្ងួត បុករ៉ឺម៉កម៉ូតូកង់បី ក្នុងដំណើរស្របទិសគ្នា ។
សេចក្តីរាយការណ៍បន្តថា ជនរងគ្រោះទី១-ឈ្មោះ ជ្រូក ភេទប្រុស អាយុ៣៥ឆ្នាំ (ស្លាប់) ទី២-ឈ្មោះ សៀម ពិសិដ្ឋ ភេទប្រុស អាយុ២៩ឆ្នាំ (របួសស្រាល) និងជាអ្នកបើកបររ៉ឺម៉កម៉ូតូកង់បីនិងទី៣- ឈ្មោះ សៀម ពិសី ភេទប្រុស អាយុ២៧ឆ្នាំ របួសធ្ងន់ ។
ជនរងគ្រោះទាំង៣នាក់ ជាកម្មករសំណង់ ស្នាក់នៅភូមិក្បាលស្ពាន២ សង្កាត់ និងក្រុងប៉ោយប៉ែត ដែលឡាន និងម៉ូតូស្របទិសមកពីលិចដូចគ្នា ។
រថយន្តបង្កម៉ាកហ៊ីយ៉ាន់ដាយ ពណ៌ស ចង្កូតឆ្វេង ពាក់ស្លាកលេខភ្នំពេញ 3B- 8532 បើកបរ ដោយជនមិនស្គាល់អត្តសញ្ញាណ ព្រោះគេចខ្លួនបាត់ ៕
ចែករំលែកព័តមាននេះ