ខេត្តប៉ៃលិន ៖ សេចក្តីរាយការណ៍ឱ្យដឹងថា មានការភ្ញាក់ផ្អើលមួយ ក្រោយគេប្រទះឃើញបុរសម្នាក់ដេកស្លាប់ក្នុងអង្រឹង នៅក្បែររបងវត្ត កើតឡើងកាលពីវេលាម៉ោង៦ និង៣០នាទីព្រឹកថ្ងៃទី ២៧ ធ្នូ…
ខេត្តប៉ៃលិន ៖ សេចក្តីរាយការណ៍ឱ្យដឹងថា មានការភ្ញាក់ផ្អើលមួយ ក្រោយគេប្រទះឃើញបុរសម្នាក់ដេកស្លាប់ក្នុងអង្រឹង នៅក្បែររបងវត្ត កើតឡើងកាលពីវេលាម៉ោង៦ និង៣០នាទីព្រឹកថ្ងៃទី ២៧ ធ្នូ នៅចំណុចមុខវត្តបេងសុវណ្ណរាម ហៅវត្តបេង ស្ថិតក្នុងភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
សាកសពជនរងគ្រោះ ត្រូវបានគេស្គាល់ឈ្មោះ កែវ តឿ អាយុ៥៨ឆ្នាំ មានស្រុកកំណើតរស់នៅភូមិ ទំពាំងទង ឃុំត្រាចទង ស្រុកឧត្តុង ខេត្តកំពង់ស្ពឺ ដែលអ្នកភូមិស្គាល់គាត់គ្មានផ្ទះសម្បែងពិតប្រាកដនោះទេ តែងយកអង្រឹងទៅចងក្រោមដើមឈើដេកជារៀងរាល់ថ្ងៃ ។ ហើយស្រាប់តែមិនឃើញគាត់ងើបចេញក្រៅដូចសព្វដងក៏នាំគ្នាទៅអង្រួន ទើបដឹងថា គាត់ស្លាប់រហូតដល់រឹងទៅហើយ ហើយក៏បាន ប្តឹងអាជ្ញាធរភូមិចុះទៅពិនិត្យតែម្តង។
បើតាមប្រភពពីលោក រី ដារ៉ា អធិការនគរបាលស្រុកសាលាក្រៅថា ក្រោយពីទទួលទទួលដំណឹងពីប្រជាពលរដ្ឋក្បែរៗនោះ លោកបានដឹកនាំកម្លាំងសមត្ថកិច្ចជំនាញ ចុះទៅធ្វើកោសល្យវិច្ច័យ ហើយលទ្ធផលនៃការធ្វើកោសល្យសាកសពរួចមក បានសន្និដ្ឋានថា ជនរងគ្រោះអាចស្លាប់ដោយសារគាំងបេះដូង ព្រោះគាត់ជាមនុស្សប្រមឹកអនាថា គ្មានទីជម្រកត្រឹមត្រូវ ហើយតែងតែដើរផឹកស្រាជាប្រចាំ ។
ចែករំលែកព័តមាននេះ