ខេត្តមណ្ឌលគិរី ៖ ឈើលេខ១ប្រមាណជិត២០០ម៉ែត្រគូបត្រូវបានដឹកចេញពីតំបន់ព្រៃការពារភ្នំព្រេច ទឹកដីស្រុកកោះញែក ខេត្តមណ្ឌលគិរី រាល់ថ្ងៃឆ្លងកាត់ផ្លូវលំឃុំរលួសសែនជ័យ និងឃុំស្រែជិះ ស្រុកសំបូរ ខេត្តក្រចេះ រួចដឹកបន្តតាមរថយន្តសាំយ៉ុងកែច្នៃ…
ខេត្តមណ្ឌលគិរី ៖ ឈើលេខ១ប្រមាណជិត២០០ម៉ែត្រគូបត្រូវបានដឹកចេញពីតំបន់ព្រៃការពារភ្នំព្រេច ទឹកដីស្រុកកោះញែក ខេត្តមណ្ឌលគិរី រាល់ថ្ងៃឆ្លងកាត់ផ្លូវលំឃុំរលួសសែនជ័យ និងឃុំស្រែជិះ ស្រុកសំបូរ ខេត្តក្រចេះ រួចដឹកបន្តតាមរថយន្តសាំយ៉ុងកែច្នៃ ឆ្លងដែនទៅប្រទេសវៀតណាម តាមច្រកស្រុកស្នូល នឹងច្រកស្រុកមេម៉ត់ដោយមានថៅកែពីរនាក់បងប្អូនឈ្មោះលី ភារម្យ (ជាមន្ត្រីយោធា) នឹងឈ្មោះ លី ភារ៉ាត់ ជាអ្នកទទួលខុសត្រូវ។
សេចក្តីរាយការឲ្យដឹងថា«រថយន្តធុនប៉ាកុង នឹងអ៊ីហ្វា ចំនួន១២ទៅ១៥គ្រឿង បានដឹកឈើចេញពីតំបន់របៀងនៃដែនជម្រកការពារសត្វព្រៃភ្នំព្រេច ខេត្តមណ្ឌលគិរីរាល់ថ្ងៃ ដោយក្នុងមួយគ្រឿងគេអាចផ្ទុកឈើចាប់ពី១០ម៉ែត្រគូបទៅ១៥ម៉ែត្រគូប ដឹកបន្តកន្ទុយគ្នាទាំងថ្ងៃយប់ រួចយកទៅទម្លាក់នៅចំណុចផ្លូវដើមម៉ៃសាក់ជាប់ផ្លូវជាតិលេខ៧ ក្នុងភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ ដើម្បីឲ្យក្រុមរថយន្តសាំយ៉ុងដឹកបន្តទៅព្រំដែនតាមរបៀបកណ្តៀពួនដំបូង»។
សេចក្តីរាយការណ៍បន្តថា«ការដឹកជញ្ជូនឈើរបស់ថៅកែដុះស្នឹមខាងលើ បានធ្វើសកម្មភាពជាច្រើនឆ្នាំមកហើយ ប៉ុន្តែមិនដែលមានជំនាញពាក់ព័ន្ឋអើពើឡើយ ។
ការដឹកជញ្ជូនឈើតាមរយៈរថយន្តធុនធំនេះ បានបំផ្លាញប្រព័ន្ឋផ្លូវធ្វើដំណើរតែមួយគត់របស់ឃុំស្រែជិះ នឹងឃុំរលួសមានជ័យ បង្កការក្តៅក្រហាយដល់អ្នកភូមិរាប់ពាន់គ្រួសារ ដោយផ្លូវនឹងស្ពានមានការខូចខាតធ្ងន់ស្ទើរគ្រប់កន្លែង»។ ព័ត៌មានពិស្តារបន្តនឹងមានផ្សាយជូននៅកាសែតកោះសន្តិភាព ៕
ចែករំលែកព័តមាននេះ