ខេត្តតាកែវ ៖ ជនសង្ស័យម្នាក់បានយកចំពាមកៅស៊ូបាញ់ទៅលើបុរសម្នាក់បណ្តាលអោយរងរបួស ហើយត្រូវបានប៉ូលិសឃាត់ខ្លួនក្រោយពេលកើតហេតុបាន១ថ្ងៃ ដែលហេតុការណ៍នេះបានកើតឡើងកាលពីវេលាម៉ោង៥ល្ងាចថ្ងៃទី២៤ ខែធ្នូ ឆ្នាំ២០១៨ ស្ថិតនៅក្នុងភូមិ ត្រពាំងព្រីង ឃុំព្រៃអំពក…
ខេត្តតាកែវ ៖ ជនសង្ស័យម្នាក់បានយកចំពាមកៅស៊ូបាញ់ទៅលើបុរសម្នាក់បណ្តាលអោយរងរបួស ហើយត្រូវបានប៉ូលិសឃាត់ខ្លួនក្រោយពេលកើតហេតុបាន១ថ្ងៃ ដែលហេតុការណ៍នេះបានកើតឡើងកាលពីវេលាម៉ោង៥ល្ងាចថ្ងៃទី២៤ ខែធ្នូ ឆ្នាំ២០១៨ ស្ថិតនៅក្នុងភូមិ ត្រពាំងព្រីង ឃុំព្រៃអំពក ស្រុកគិរីវង់ ខេត្តកែវ ។
លោកវរសេនីឯក យ៉ុគ សារ៉ាត់ អធិការនគរបាលស្រុកគីរីវង់ បានអោយដឹងថា ជនសង្ស័យឈ្មោះ ថោង
ឡុង ហៅ ណី ភេទប្រុស អាយុ២៦ឆ្នាំ មានទីលំនៅភូមិ ត្រពាំងព្រីង ឃុំព្រៃអំពក ស្រុកគិរីវង់ ខេត្តតាកែវ បានធ្វើសកម្មភាពយកកាំបិត ដុំថ្ម ដុំឥដ្ឋគប់ និងយកចំពាមកៅស៊ូបាញ់ជាច្រើនគ្រាប់ទៅលើជនរងគ្រោះឈ្មោះ វ៉ាយ ណន ភេទប្រុស អាយុ៧០ឆ្នាំ មានទីលំនៅភូមិឃុំជាមួយគ្នា បណ្ដាលអោយរងរបួសត្រង់ចំណុចសៀតផ្កាមួយកន្លែងបែកហូរឈាម និង រងរបួសមួយកន្លែងទៀត ជាំហើមកំភួនជើងខាងស្តាំដោយសារត្រូវនឹងដងកាំបិត បន្ទាប់ពីកើតហេតុជនរងគ្រោះត្រូវបានក្រុមគ្រួសារបញ្ជូនមកមន្ទីរពេទ្យបង្អែកស្រុកគិរីវង់ ។
លោកអធិការនគរបាលស្រុកបានបន្តទៀតថា សមត្ថកិច្ចបានឃាត់ខ្លួនជនសង្ស័យ ហើយត្រូវបានលោកព្រះរាជអាជ្ញអមសាលាដំបូង ខេត្តតាកែវ ធ្វើការសាកសួរនៅវេលាម៉ោង២និង២៦នាទីរសៀលថ្ងៃទី២៥ ខែធ្នូ ឆ្នាំ២០១៨ ។
នៅចំពោះមុខប៉ូលិស ជនសង្ស័យបាននិយាយសារភាពថា ខ្លួនពិតជាបានបង្កហិង្សាទៅលើជនរងគ្រោះអោយរងរបួសពិតប្រាកដមែន ដោយសារមានគំនុំជាមួយជនរងគ្រោះយូរមកហើយ ។
លោកវរសេនីយ៍ឯក យ៉ុង ញីវ នាយការិយាល័យព្រហ្មទណ្ទកំរិតស្រាលខេត្តបានអោយដឹងថា នៅពេលនេះសមត្ថកិច្ចបានកសាងសំណុំរឿងដើម្បីបញ្ជូនជនសង្ស័យទៅសាលាដំបូងខេត្តនៅថ្ងៃទី២៦ ធ្នូ ២០១៨ ចាត់ការទៅតាមច្បាប់ ៕
ចែករំលែកព័តមាននេះ