AFP ផ្សាយកាលពីពេលថ្មីៗកន្លងមកថា ជារឿងគួរឲ្យកោតសរសើរមួយសម្រាប់ក្មេងប្រុស Mukhlis Abdul Holik អាយុ៨ឆ្នាំ ជាសិស្សថ្នាក់ទី៣ ពិការជើងរស់នៅជមួយម្ដាយក្នុងខ្ទមមួយនៅខេត្តWest Java ប្រទេសឥណ្ឌូណេស៊ី ប៉ុន្តែគេត្រូវដើរដោយដៃទៅសាលារាល់ថ្ងៃនៅតាមផ្លូវលើភ្នំ និងមានស្ពានឈើ ចាស់ៗជំនួសជើង នៅពេលដើរក៏យកជើងទ្រមេឃ ។
ការតស៊ូរបស់ Holik ធ្វើឲ្យពលរដ្ឋនៅទូទាំងប្រទេសមានការពេញចិត្ត ខណៈពេលម្ដាយរបស់គេបង្ហើបឲ្យដឹងថា ទោះបីជាផ្លូវចោត និងពិបាកក្នុងការធ្វើដំណើរក៏ដោយ ប៉ុន្តែគេនៅតែតស៊ូខំដើរដោយដៃទៅសាលារៀនរាល់ថ្ងៃ ។
ក្រោយពីចុះផ្សាយផលពិបាករួចមក ក្មេងប្រុសក៏បានជួបលោកប្រធានាធិបតី Joko Widodo កាលពីថ្ងៃទី៣ ធ្នូ ២០១៨ជាទិវារបស់ជនពិការអន្តរជាតិ ហើយលោកប្រធានាធិបតីបានសួរក្មេងប្រុសថា ចង់បានអ្វី ? ប៉ុន្តែចម្លើយរបស់គេឆ្លើយថាត្រូវការរៀនឲ្យដល់មហាវិទ្យាល័យ និងមានសេចក្ដីសុខបំផុតបានជួបលោកប្រធានាធិបតីដែលខ្លួនពេញចិត្ត ។ ក្រៅពីនេះរូបគេបានបញ្ជាក់ទៀតថាចង់ក្លាយជាអ្នកពន្លត់អគ្គីភ័យ ជាគ្រូពេទ្យ និងជាអាកាសយានិក ៕
ចែករំលែកព័តមាននេះ