ចូលកា.ប់ឈើគ្រញូងលើដីថៃ…ត្រូវគេបា.ញ់ប្រហារយ៉ាងដូច្នេះ
- បាត់ដំបង
ខេត្តបាត់ដំបង ៖ យោងតាមព័ត៌មានដែល ទើបត្រូវគេទម្លាយឱ្យដឹង នៅរសៀលថ្ងៃទី២៦ ធ្នូ នេះ ថា ពលរដ្ឋខ្មែរម្នាក់ក្នុងចំណោម៣នាក់ រស់នៅស្រុកសំឡូត…
ខេត្តបាត់ដំបង ៖ យោងតាមព័ត៌មានដែល ទើបត្រូវគេទម្លាយឱ្យដឹង នៅរសៀលថ្ងៃទី២៦ ធ្នូ នេះ ថា ពលរដ្ឋខ្មែរម្នាក់ក្នុងចំណោម៣នាក់ រស់នៅស្រុកសំឡូត…
ខេត្តបាត់ដំបង ៖ យោងតាមព័ត៌មានដែល ទើបត្រូវគេទម្លាយឱ្យដឹង នៅរសៀលថ្ងៃទី២៦ ធ្នូ នេះ ថា ពលរដ្ឋខ្មែរម្នាក់ក្នុងចំណោម៣នាក់ រស់នៅស្រុកសំឡូត ត្រូវកម្លាំងទាហានថៃតាមស្ទាក់បាញ់ប្រហារបណ្ដាលឲ្យរងរបួសជើងម្ខាង ខណ:បក្សពួក២នាក់ទៀតបានរត់រួចខ្លួន ពេលដែលពួកគេនាំគ្នាឆ្លងដែនដោយខុសច្បាប់ចូលទៅលួចកាប់ឈើគ្រញូងក្នុងទឹកដីថៃ ។
ប្រភពបានឲ្យដឹងថា ពលរដ្ឋខ្មែរដែលទាហានថៃបាញ់ឱ្យរបួសនោះ ឈ្មោះខាន់ សំណាង អាយុ៣៨ឆ្នាំ រស់នៅភូមិភ្នំរៃ ឃុំតាតោក ស្រុកសំឡូត ។ រីឯបក្សពួក២នាក់ទៀត ដែលរត់រួចពីការបាញ់ប្រហារនោះ គេមិនទាន់ស្គាល់ឈ្មោះទេ តែពួកគេរស់នៅតំបន់នោះដែរ ។ បើតាមព័ត៌មានដែលផ្ដល់ដោយមន្ត្រីព្រំដែនថា ពលរដ្ឋខ្មែរទាំង៣នាក់នេះ ត្រូវកម្លាំងទាហានថៃស្ទាក់បាញ់ប្រហារតាំងពីពាក់កណ្ដាលអធ្រាត្រថ្ងៃទី២៣
ធ្នូ ខណ:ពួកគេលួចចូលទៅស្វែងរកកាប់ឈើគ្រញូងនៅក្នុងភូមិសាស្ត្រ ស្រុកបរ៉ៃ ខេត្តត្រាត ប្រទេសថៃ
(ជាប់ព្រំដែនខ្មែរ-ថៃ) ឈមនឹងច្រករបៀង (ចរិយា ឬសុខសាន្ត) ដែលស្ថិតក្នុងឃុំតាតោក ស្រុកសំឡូត។ ប្រភពដដែលបានបញ្ជាក់ថា ពួកគេត្រូវក្រុមទាហានថៃស្ទាក់បាញ់ប្រហារ ពេលដែលកំពុងស្វែងរកកាប់ឈើរគ្រញូងនៅក្នុងទឹកដីថៃ ត្រង់ចំណុចកើតហេតុនោះ។
បើតាមការស្រង់សំដីពីជនរងគ្រោះបានឲ្យដឹងថា ពួកគេមានបក្សពួកច្រើននាក់ ដែលឆ្លងដែនចូលដីថៃ ដើម្បីស្វែងរកកាប់ឈើគ្រញូងនេះ។ ប៉ុន្តែពួកគេបានបែកគ្នា ពេលចូលដល់ក្នុងព្រៃ នៃប្រទេសថៃ។ ប្រភពដែលស្រង់សំដីជនរងគ្រោះបានឲ្យដឹងទៀតថា ពេលពួកខ្លួន៣នាក់ ចូលដល់ចំណុចកើតហេតុនាយប់នោះ ក៏ត្រូវក្រុមទាហានថៃ បើកការបាញ់ប្រហារមកលើពួកគេតែម្ដង។ ពេលនោះពួកគេបានរត់បែកគ្មាត្រឡប់ចូលមកដីខ្មែរវិញ ជាមួយនឹងការត្រូវរបួសជើងម្ខាង។
គេនូវមិនទាន់ដឹងអំពីដំណោះស្រាយបែបណានៅឡើយទេ ជាវិញការបាញ់ប្រហារមកលើពលរដ្ឋខ្មែរពីសំណាក់ក្រុមទាហានថៃ ខាងលើនេះ។ បើតាមប្រភពពីសមត្ថកិច្ចបានប្រាប់ថា មន្ត្រីព្រំដែន និងអាជ្ញាធរដែនដីបានទទូលរបាយការណ៏នេះហើយ តែហាក់គ្មានវិធានការជាក់លាក់លើសំណុំរឿងនេះទេ គឺបានត្រិមតែសួរនាំជនរងគ្រោះតៗគ្នាតែប៉ុណ្ណោះ។
ចែករំលែកព័តមាននេះ