រាជធានីភ្នំពេញ ៖ ស្ត្រីជនជាតិចិនម្នាក់ និងស្ត្រីជនជាតិខ្មែរ២នាក់កំពុងជិះម៉ូតូត្រូវជនសង្ស័យ២នាក់ ធ្វើសកម្មភាពឆក់យកទូរស័ព្ទ តែឆក់មិនបានសំរេចត្រូវបានប្រជាពលរដ្ឋចាប់បានម្នាក់ និងវាយទ្រមខ្លួន ហើយត្រូវបានសមត្ថកិច្ចនគរបាលប៉ុស្តិ៍ ចាប់ឃាត់ខ្លួនជនសង្ស័យយកទៅសួរនាំភ្លាមៗ បង្កអោយមានការភ្ញាក់ផ្អើលកាលពីវេលម៉ោង…
រាជធានីភ្នំពេញ ៖ ស្ត្រីជនជាតិចិនម្នាក់ និងស្ត្រីជនជាតិខ្មែរ២នាក់កំពុងជិះម៉ូតូត្រូវជនសង្ស័យ២នាក់ ធ្វើសកម្មភាពឆក់យកទូរស័ព្ទ តែឆក់មិនបានសំរេចត្រូវបានប្រជាពលរដ្ឋចាប់បានម្នាក់ និងវាយទ្រមខ្លួន ហើយត្រូវបានសមត្ថកិច្ចនគរបាលប៉ុស្តិ៍ ចាប់ឃាត់ខ្លួនជនសង្ស័យយកទៅសួរនាំភ្លាមៗ បង្កអោយមានការភ្ញាក់ផ្អើលកាលពីវេលម៉ោង ៧និង២០នាទីយប់ថ្ងៃទី ២៥ ខែធ្នូ ឆ្នាំ២០១៨ សង្កាត់ចោមចៅទី៣ ខណ្ឌពោធិ៍សែនជ័យ ។
ជនសង្ស័យម្នាក់ដែលឃាត់ខ្លួនខាងលើឈ្មោះ សំ ចាន់ថាត ភេទប្រុស អាយុ១៧ឆ្នាំ មុខរបរដំឡើងឆាកតន្ត្រីអកកាដង់ ស្នាក់នៅសង្កាត់ទឹកថ្លា ខណ្ឌសែនសុខ មានស្រុកកំណើតនៅ ភូមិព្រៃឈរ ឃុំព្រៃឈរ ស្រុកព្រៃ
ឈរ ខេត្តកំពង់ចាម។ ម៉ូតូដែលជនសង្ស័យជិះធ្វើសកម្មភាពម៉ាកហុងដាឌ្រីម ស៊េរី២០១៩ ពណ៌ខ្មៅ អត់ស្លាកលេខ ។
តាមប្រភពពត៌មានពីសមត្ថកិច្ចបានអោយដឹងថា នៅមុនពេលកើតហេតុ ដោយទទួលដំណឹងពីប្រជាពលរដ្ឋឃាត់បានជនសង្ស័យឆក់ម្នាក់រួមនឹងម៉ូតូមួយគ្រឿងនឹងម្នាក់ទៀតបានរត់គេចខ្លួនបាត់ ។
បើតាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុ គេឃើញជនរងគ្រោះស្ត្រីជនជាតិចិនម្នាក់ និង ស្ដ្រីជនជាតិខ្មែរចំនួន២នាក់ បានជិះម៉ូតូ ម៉ាកធូដេ ធ្វើដំណើរតាមបណ្ដោយផ្លូវសហព័ន្ធរុស្ស៊ី ស្រាប់តែមានជនសង្ស័យចំនួន២នាក់ ជិះម៉ូតូមួយគ្រឿងម៉ាកហុងឌ្រីម ស៊េរីឆ្នាំ២០១៩ អត់មានស្លាកលេខ បានធ្វើសកម្មភាពឆក់យកទូរស័ព្ទដៃពីស្ត្រីជនជាតិចិនខាងលើ តែពុំបានសម្រេច ត្រូវបានប្រជាពលរដ្ឋឃាត់បានជនសង្ស័យម្នាក់នាំគ្នាវាយឡើងទ្រមខ្លួន ហើយប្តឹងសមត្ថកិច្ចឱ្យឃាត់ខ្លួនយកជនសង្ស័យទៅសួរនាំនៅប៉ុស្តិ៍នគរបាលរដ្ឋបាលចោមចៅទី៣ភ្លាមៗផងដែរ។
ប្រភពព័ត៌មានពីសមត្ថកិច្ចបានបន្តទៀតថា បន្ទាប់ពីការសាកសួរជនសង្ស័យខាងលើ បានសារភាពថា ពួកខ្លួនធ្លាប់ធ្វើសកម្មភាពឆក់ពិតប្រាកដមែន ហើយធ្លាប់ធ្វើសកម្មភាពបែបនេះជាច្រើនដងផងដែរ។
ក្រោយពេលកើតហេតុ កំលាំងនគរបាលប៉ុស្តិ៍ចោមចៅទី៣បានកសាងសំណុំរឿងបញ្ជូនជនសង្ស័យទៅជំនាញព្រហ្មទណ្ឌខណ្ឌពោធិ៍សែនជ័យដើម្បីចាត់ការតាមនីតិវិធី ៕
ចែករំលែកព័តមាននេះ